恭喜晒！
賭王何鴻燊四房兒子何猷君向超模女友奚夢瑤求婚，佢仲清空三層商場兼出動99,999朵玫瑰，搞到勁誇張！而猷君都好醒目，一早收埋咗奚夢瑤電話，如果唔係就被劇透晒！
現場氣氛好好，有一堆人喺度跳舞，好似開Party咁！約晚上八點幾，奚夢瑤蒙上雙眼，由好友陳學冬扶住出嚟。換上公主衫嘅奚夢瑤，見佢腰肢圓潤肚凸凸，仲要穿上平底鞋，步步為營，孕味甚濃！戴后冠嘅佢，十足十公主，猷君就拖住女友，非常sweet！何猷君今次求婚成功，真係恭喜晒！陳學冬微博微晒出猷君下跪求婚嘅相，喺心心嘅襯托吓，非常浪漫！
同奚夢瑤求婚時，何猷君換上白色西裝，依足傳統單膝下跪。猷君明顯心情激動同緊張，間中仲口震震，佢話今日求婚儀式係「unplanned」（非計劃之內），佢打開戒指盒，奚夢瑤見到戒指雙眼即時發光，猷君話：「還記得我在澳門問過你，『小明，你覺得咱倆有可能在一起嗎？』今天這個問題要變成：『小明，你覺得咱倆可以永遠在一起嗎？』奚夢瑤，Marry me？」勁感動嘅奚夢瑤，聽到猷君點頭答應，猷君即刻興奮大叫：「She said YES！」最後梗係攬攬加錫錫
來源 source: http://hk.on.cc
|
鍾意就快D Share啦！
|
|
|
