趙碩之係講緊邵仲衡戲入面個角色有幾衰啫！
藝人邵仲衡和趙碩之為新戲拜神，戲中兩人飾演壞事做盡的賊鴛鴦，趙碩之現場穿上紅色裙，甚為鬼魅。她說戲中患末期癌症，臨死前更被邵仲衡鼓吹最後吊頸死，趙碩之忍不住爆粗說：「我哋頭先拍嗰場殮房戲，就知佢係幾衰嘅人，對住條屍都好『X街』。」邵仲衡則笑說：「我去驗一驗條艷屍呀。」
問到有否親熱戲份？趙碩之稱有摸番邵仲衡，邵仲衡亦說多少有身體接觸，不過趙碩之卻踢爆他自行加戲，她說：「佢自己加戲，不過驗屍好睇就得。（介唔介意？）效果啫！冇問題，呢部戲都係佢推薦我拍。」對於一開拍就要吊頸死，有否收利是？趙碩之稱因每組戲基本上也有死，如果收就很多利是。
而邵仲衡就自爆拍此戲時，收到入行以來最大的利是，原來是中頭獎，他說：「我收咗，早幾日喺北潭涌公園拍嘢，畀個攝錄機撞到個頭，要縫五針，收咗一千利是。」他稱傷口呈V字型，幸縫針時不用剃頭髮，否則不能連戲。碩之笑言之後拍用手捏他頸時，忘記他受傷，好彩沒有再弄傷對方，現場他們再重演捏頸戲，十分搞笑。
來源 source: http://hk.on.cc
|
鍾意就快D Share啦！
|
|
|