恭喜晒！
39歲藝人張美妮在社交網宣布B女出世，正式由美妮姐姐變美妮媽媽！她晒出一家三口的相片，抱着B女的她和老公鼻貼鼻，畫面溫馨！她留言：「我們的寶貝女出世了！同大家介紹佢嘅乳名叫笑咪咪，因為佢一出世就成日都笑咪咪，連醫院啲姑娘都咁講吖！有佢喺度令到我同老公都感到非常喜悅、開心、溫馨，真係成日都笑咪咪吖！乖女~Welcome to our family! We love you」一家人笑咪咪，咁就最開心喇！
張美妮接受東網訪問，她表示B女出世時六磅多，坦言本身定了開刀日子，但就早了一天作動，她說：「好在一早已經準備晒，作動咪入院囉！去到醫院時，護士都有問我諗住開刀定自己生，我話試吓先，想試吓個感覺，感受吓陣痛，不過當開到一度時，我已經頂唔順，最終都係開刀！」美妮表示已出院回家三天，而「笑咪咪」都好乖及好配合，她說：「依家餵緊人奶，佢都好聽話，老公都好叻，喺醫院時我負責餵奶，佢就幫手掃風同換片，姑娘都讚佢叻。」問到老公KK見到「愛人」是否很冧？美妮說：「係呀！佢同個女一樣，成日都笑咪咪囉！」
來源 source: http://hk.on.cc
|
鍾意就快D Share啦！
|
|
|