【抽水文】香港明星藝人邊個英文最掂？ 一齊睇下佢哋英文訪問片段
根據維基百科顯示，原來的士陳係讀過國際學校。
今次就揾左六個冇去過外國留學，冇讀過國際學校，土生土長嘅香港明星嘅英文訪問片段，睇下可唔可以畀陳偉霆參考下。
1.周潤發
一早貴為荷李活巨星嘅發哥英文就一定係冇得頂，呢段係當年宣傳《安娜與國王》嘅訪問片段。仲記得以前中學教科書都有揀左一篇發哥學英文嘅訪談文章。
2.梁朝偉
梁朝偉英文都係非常之好，當年去左美國做訪問宣傳《2046》。
3.黃秋生
雖然黃秋生係中英混血，但係四歲嘅時候英國爸爸就拋妻棄子，讀到中三畢業之後就出嚟做嘢。佢以前喺志雲局訪問嗰陣都話去演藝學院讀書嗰陣，見到啲Notes全部都係英文，讀得好辛苦。不過，喺呢訪問入面，佢同拍檔Crisel Consunji接受訪問，宣傳《淪落人》，一口流利英式口音，唔睇樣真係以為佢係英國人。
4.鄭秀文
呢段係Sammi同劉德華加埋導演杜琪峯、監製韋家輝齊齊喺康城受訪宣傳《盲探》，喺訪問入面見到Sammi講英文嘅時明顯比其他人淡定得多。
5.謝安琪
喺香港大學畢業嘅阿Kay上年就同國際巨星阿米爾汗（Aamir Khan）一齊出席講座，片段就節錄左佢一齊討論藝人對於社會嘅責任嘅睇法。
6.吳君如
喺2014年吳君如就喺紐約亞洲電影節入面獲頒「亞洲之星獎（Star Asia Award）」，咁當然都係用英文講得奬感言。吳君如咁流暢嘅英文，睇怕應該以前讀聖士提反女子中學嗰陣學返嚟。
來源 source: http://www.upower.com.hk
|
鍾意就快D Share啦！
|
|
|