港府前日堅持就《逃犯條例》修例二讀，引爆民怨，不少年輕一輩到金鐘示威，其後警方向手無寸鐵的示威者行使暴力，變成流血事件。昨日黃耀明便指摘林鄭月娥「詐儍扮懵」，而示威當日早上，張堅庭在禮賓府空地拍片，讚年輕人比自己更愛港，同時以「和平是最堅毅的力量」為題上載短片作鼓勵。
相關新聞：林海峰寸林鄭請教Master
導演張堅庭連日為反送中表態，繼周日上街遊行，前日早上也以「做一流世界公民，和平是最堅毅的力量」為題，拍片向示威的年輕人作出呼籲，要冷靜克制，但想不到前日還是發生警民衝突，警方向示威者出動布袋彈、橡膠彈和催淚彈，黃耀明昨日就在網上，貼上接受訪問時哽咽的林鄭照片，留言：「唔好詐儍扮懵啦，世上有幾多虐待兒童事件，下毒手的都是失去常性的『慈父』『慈母』？」
| | |
挖苦林鄭「驕傲」
而張堅庭揀選在禮賓府前空地拍攝的短片，也向林鄭揶揄，他說：「我企喺度諗緊，林鄭月娥每晚喺度休息，今日嘅處境令香港同政府有一個對立，究竟佢心情係點？佢同香港人距離好似突然咁遠。」張堅庭自嘲和林鄭一樣「離地」，並說：「香港官員三大阿頭，由林鄭月娥開始，佢完全冇用同巿民溝通技巧，佢嘅面容好冷漠，說話好冇同情心，可以話冇禮貌，用廢話得罪晒所有專業人士，佢唔會理解香港人嗰種恐懼，今次香港人係集體恐懼。」他還提到石禮謙「撻定事件」，指出他在這敏感時間做出這個決定，意味想給香港政府示威。
張堅庭還指自己不及示威一班熱血年輕人愛港，「見到後生仔對呢個地方嘅愛護」，並指其實事件有不少解決方法：「我覺得如果送中條例要起訴對象，遣返嘅係少於七年嘅香港居民，咁已經好咗好大截，立時可以處理到港人怨氣，完全撤回唔得，係咪要諗方法出嚟，林鄭你做戲都做少少畀我哋睇吖，唔好咁驕傲。」看到年輕人為香港前途付出，張堅庭語重心長：「你哋要發揮公民權利，公民權利可以示威集會，我哋唔好做暴民，暴力衍生嘅失敗例子太多，我哋冇咁條件，如果你身邊人有使用掟磚行為，你哋一定要阻止，唔好推波助瀾，掟磚人嘅背景可能好複雜。」
相關新聞：《愛．回家》噴煙驅群眾贈興
16歲女兒的吶喊
杜汶澤前晚也在fb譴責香港警察，「警方完咗驅散行動後，仲喺現場合照留念，此舉實在令人惡心。」100毛的腦細林日曦上載一個媽媽傳給他的錄音，內容是其16歲女兒參與示威的感受，其女兒聲嘶力竭哭訴：「我今日出嚟唔係為咗打卡、唔係因為朋友輩影響，係因為我們喜歡香港呢個地方，一開始我都唔敢落馬路，只敢喺天橋睇住示威者喺樓下，同學冇做任何暴力嘅行為，而警察不斷發放催淚彈。我喺香港生存咗16年，唔能夠話好長，但至少我明白香港嘅核心價值喺邊度，唔通喺香港言論自由都咁奢侈？唔通連申訴自己嘅不滿，都係犯罪？」
撰文：翁可人
|
鍾意就快D Share啦！
|
|
|