掃呢頁CODE去手機

2019年6月6日 星期四

【新聞有價】動新聞製作過程公開 林嘉欣:絕對會畀錢訂閱 __,林嘉欣,鍾嘉欣,

2019年4月,《蘋果日報》實施會員免費訂閱制,將香港傳媒文化帶進革命新世代。相關新聞:你肯為《蘋果動新聞》付幾多錢?讀者撐新聞有價當報紙賣10元一份 ...


2019年4月,《蘋果日報》實施會員免費訂閱制,將香港傳媒文化帶進革命新世代。

相關新聞:你肯為《蘋果動新聞》付幾多錢? 讀者撐新聞有價



當報紙賣10元一份,你又願意付出多少,看《蘋果動新聞》呢?《蘋果》有請歌影視大滿貫古天樂金口提問:「你願意一日畀幾多錢睇《蘋果動新聞》?」



攝製隊日前走勻港九,向眾藝人詢問意見。



玄學家麥玲玲屈指一算,認為《蘋果動新聞》每日應收$6.68,她說︰「因為咁樣好意頭,等於路路發。」和玲玲姐一樣喜歡講意頭的人妻苟芸慧,就表示每日願意付$9,她說:「因為佢裏面有好多資訊,同埋有時都會見到我出現,我叫苟芸慧,我想有個苟(9)字喺裏面。」同屬人妻組的都好豪爽,梁詠琪:「我會畀8蚊,又可以了解時事,又有動嘅新聞睇喎。」盧巧音:「我願意畀20蚊每日睇《蘋果動新聞》,你知啦,做音樂唔係好賺到錢,平平哋,20蚊睇吓八卦嘢幾好呀。」卓韻芝:「我咁有錢,梗係畀多啲,一份報紙10蚊,就10蚊啦。」



而DJ森美呢,他認為︰「買份報紙都10蚊日,就10蚊一日啦。」林嘉欣也認同每日付$10,她說:「我覺得好正常,因為始終你想佢繼續生存落去,其實係要出糧,要搵啲攝影師,背後要一個龐大嘅團隊,所以我絕對係會畀錢去訂閱。」至於「孝哥」邵仲衡認為,如以一年收費計算,他樂意付$1,000一年,除開即是每日約$2.7;早前被大台減薪憤而離巢,自尋出路的蓋世寶:「我願意一個月畀30蚊,一日一蚊叫做合理啦。」笑認貪心的薛凱琪就想享受免費午餐:「我係一個貪心嘅人,所以我鍾意嘅嘢,最好就免費,例如我鍾意打邊爐、動新聞、雪糕,如果你免費畀到我,我都會好開心。」



然而,一條動新聞的背後,真的花費很多人力物力。



兩年前,林作當過《蘋果動新聞》的動主播,日前他再接受挑戰,要落手落腳由看片、寫稿、錄VO等製作過程,見證一條動新聞的誕生。



他甫踏入《蘋果》大樓時,看到一條由陳嘉桓、古天樂等提問的問題︰「你願意一日畀幾多錢睇《蘋果動新聞》?」林作即答︰「幾蚊度」



當他埋位開工,收到同事分派負責一則羅霖的新聞,興奮說︰「靚女,新聞,正呀!」由於要先看採訪片,他嘩了一聲︰「咁多條,咁多段片嚟整一條,唔係呀嘛!」單是看片,他已花了很多時間,更被同事催促,一臉苦惱的林作,𢯎爆頭如何將數十條片集結成一條動新聞,差點連打字都遇到難題的他,上手後開行turbo火速完成VO稿,隨即入錄音室錄音。待所有素材準備好,他將之交由同事剪片,起貨後他需檢視一次,才算大功告成。



經過4小時,林作終於完成一條動新聞:「幾過癮,幾好玩,但日復日咁去做,唔容易,又唔可以咁冇創意,下下都挑戰自己,比想像中難好多。」他坦言每日會花幾小時看動新聞,連留言也看,開車過海底隧道一程也要收20元,故認為《蘋果動新聞》如收費,起碼$20、$30起跳。



採訪:羅婉玲、馬建華

攝影:陳慧安、沈健程

攝錄:馮嘉銘





按此訂閱支持蘋果 無阻盡覽

https://hk.adai.ly/PMtkKQIUBV





 《蘋果》有請歌影視大滿貫古天樂金口提問:「你願意一日畀幾多錢睇《蘋果動新聞》?」 《蘋果》有請歌影視大滿貫古天樂金口提問:「你願意一日畀幾多錢睇《蘋果動新聞》?」
苟姑娘:「9蚊, 我叫苟芸慧,我想有個苟(9)字喺裏面。」(資料圖片)

苟姑娘:「9蚊, 我叫苟芸慧,我想有個苟(9)字喺裏面。」(資料圖片)
 玲玲師傅話每日應收$6.68:「因為咁樣好意頭,等於路路發。」

玲玲師傅話每日應收$6.68:「因為咁樣好意頭,等於路路發。」
 森美:「買份報紙都10蚊日,就10蚊一日啦。」

森美:「買份報紙都10蚊日,就10蚊一日啦。」
 梁詠琪:「我會畀8蚊,又可以了解時事,又有動嘅新聞睇喎。」(資料圖片)

梁詠琪:「我會畀8蚊,又可以了解時事,又有動嘅新聞睇喎。」(資料圖片)
 蓋世寶:「我願意一個月畀30蚊,一日一蚊叫做合理啦。」(資料圖片)

蓋世寶:「我願意一個月畀30蚊,一日一蚊叫做合理啦。」(資料圖片)
盧巧音:「20蚊睇吓八卦嘢幾好呀。」(網上圖片)

盧巧音:「20蚊睇吓八卦嘢幾好呀。」(網上圖片)
卓韻芝:「我咁有錢,梗係畀多啲,一份報紙10蚊,就10蚊啦。」

卓韻芝:「我咁有錢,梗係畀多啲,一份報紙10蚊,就10蚊啦。」
薛凱琪:「我係一個貪心嘅人,最好就免費。」

薛凱琪:「我係一個貪心嘅人,最好就免費。」
 「大佬孝」樂意付$1,000一年

「大佬孝」樂意付$1,000一年
 林作日前落手落腳製作動新聞,未開工前,他願意以「幾蚊一日」訂閱。

林作日前落手落腳製作動新聞,未開工前,他願意以「幾蚊一日」訂閱。
埋位開工!

埋位開工!
 林作要負責一則羅霖的新聞。

林作要負責一則羅霖的新聞。
 雖然大條道理睇靚女,不過要處理大量片及相,令林作好苦惱。

雖然大條道理睇靚女,不過要處理大量片及相,令林作好苦惱。
完成VO稿又要錄音,之後要交給剪片同事,再要檢查影片,忙足一日。

完成VO稿又要錄音,之後要交給剪片同事,再要檢查影片,忙足一日。
 林作「收工」後表示過癮,但都認識到唔容易。

林作「收工」後表示過癮,但都認識到唔容易。

鍾意就快D Share啦!