近日受到涉嫌強姦官司困擾嘅尼馬，周四(6號)喺巴西對卡塔爾嘅熱身賽入面受傷，要由2個職員扶住離開球場，呢位王牌球星受傷後情緒激動，初步懷疑係右腳足踝嚴重受傷，據報佢可能會缺席即將展開嘅美洲國家盃賽事。
被指控強姦嘅尼馬，今場熱身賽正選上陣，但只係踢咗21分鐘就受傷，呢位前鋒換出嗰陣表現激動，一度用手掩面痛哭，而且右腳足踝位置要用冰袋包住，兼且唔可以發力，再由2個職員扶住返入更衣室。暫時未知傷勢有幾嚴重，但現場記者就形式傷情「差勁」，令人擔心佢會緣盡今屆美洲國家盃。呢場波巴西最後贏2比0。
事實上，巴西傳媒日前踢爆，國家隊內就尼馬應唔應該參賽存有分歧，巴西足總副主席認為尼馬嘅強姦官非會影響球隊士氣，希望佢會主動退隊，但巴西足總主席就公開表示對尼馬有信心，處境令人尷尬。
立即參加「賞您睇」：http://bit.ly/2JWKULh
Click下面粒掣，儲on.cc coins！機票、家電、超市禮券、過萬份獎品等緊你。
來源 source: http://hk.on.cc
|
鍾意就快D Share啦！
|
|
|
