- 【返港開咪即哽咽】硬淨Do姐都喊住為港人發聲:要珍惜學生同年輕人
- 20分鐘前
之前同「農夫」飛到外地拍節目嘅Do姐(鄭裕玲)，今日返商台為節目《口水多過浪花》開咪，向來少論政治，性格硬淨嘅佢，亦受近日「反送中」一班年輕人遭受警察暴力清場而心痛到喊，佢一開咪:「，Hello，大家好！我返咗嚟。在過去呢兩個星期我唔喺香港(開始哽咽，停頓幾秒才能繼續講)，但當時我哋收到好多關於香港嘅消息，我都睇到好多好心痛嘅場面(開始喊)，尤其係香港啲學生，同埋年輕人。呢兩星期去咗第二度，為咗拍我一個節目，坐咗好多車，好多飛機，但最後一程，亦係我哋最盼望一程，就係飛返香港。香港係我哋屋企，發生好多好多事，屋企最緊要(情緒再次激動)，SORRY！可能我老咗，好情緒化。
我哋要珍惜屋企，尤其年輕人同學生，我好希望香港可以好快回復返平靜，和平相處狀態。
我同迪偉(余迪偉)講，我係一個娛樂人，在一個咁崩緊情況下，我希望做返我要做嘅責任，呢個節目要發揮我哋嘅作用，我相信好多人都有好多情緒，好多情緒被牽動，希望我哋喺呢個半鐘嘅說話內容，可以令大家鬆一鬆。」
立即下載APP，精彩內容壹手掌握
下載連結： http://bit.ly/Next29App如對會員訂閱制遇到任何問題或意見，你可以致電 2623 9985，或電郵聯絡客戶服務主任cs@nextdigital.com.hk，我們定當盡力協助！
來源 source: http://nextplus.nextmedia.com
|
鍾意就快D Share啦！
|
|
|