民陣昨日發起7.1大遊行，多位藝人現身支持；建制派前日在添馬公園舉行「撐警集會」，譚詠麟（阿倫）及鍾鎮濤（阿B）上台撐警，令不少歌迷傷心兼憤怒。有阿倫歌迷昨日帶同珍藏黑膠、CD到維園遊行，丟在草地上隨意讓遊行人士踩爛，歌迷更怒斥：「佢離棄咗香港人！」阿B與同在撐警集會現身的梁家輝，就被讀者「爆相爆片」，指兩人撐警過後，昨早一同離港旅行。
相關新聞：全城熱話
政府無視上月多場示威活動，民怨依然，民陣昨日發起7.1大遊行，葉德嫻、王宗堯及袁彌明等藝人繼續上街。建制派前日在添馬公園舉行「撐警集會」，譚詠麟、鍾鎮濤、梁家輝及回歸前曾擔任警司的陳欣健等也有出席，阿倫與阿B更上台撐警，阿倫指不想涉足政治，但又稱：「再咁落去，香港冇得救，再搞落去冇人管治到香港。」阿B則在台上斥年輕人「九唔搭八」，強調孝順父母及奉公守法是理所當然的事。
| | 阿B歌迷就直接將CD丟進垃圾桶，更指：「嘥晒我啲錢！」互聯網圖片 |
「怪錯章小蕙」
阿倫及阿B表態後，隨即引起粉絲憤怨，紛紛在fb洗版鬧爆，揚言要罷聽二人的歌，更有不少歌迷將二人的黑膠或CD拗爛洩憤，有阿B歌迷將偶像CD丟進垃圾桶：「揼咗啲『九唔搭八』嘅唱片落垃圾桶。」還有網民笑稱一直怪錯阿B前妻章小蕙：「我們一直怪錯你！你眼光領先20年！」
相關新聞：李克勤劉愷威歌舞昇平
昨日7.1大遊行，有兩名阿倫的資深歌迷，將家中珍藏的阿倫黑膠碟全部帶去現場，丟在草地上用腳踩爛，現場還有幾位參與遊行人士，都加入齊踩阿倫的黑膠碟。53歲的黃先生表示約10歲便開始聽阿倫及溫拿的歌，前日見到阿倫為撐警站台感到愕然：「我以為見到阿叻（陳百祥）都唔會見到佢，反而阿叻冇出現。我愕然完之後就覺得有冇搞錯，佢嘅名氣，甚至名利，都係土生土長香港人咁多年對佢支持得番嚟，喺𠵱家咁關鍵嘅時候，我覺得佢係離棄咗香港人。」另一位王先生則踩爛阿倫的碟。
兩家一早離境
阿B雖然被網民鬧爆，但昨日就和老婆范姜、梁家輝及其太太江嘉年，趁假期相約出埠旅行，被讀者張小姐在香港機場捕獲蹤影。張小姐接受《蘋果》電話訪問表示：「朝早7點幾，喺機場禁區見到佢哋兩家人，鍾鎮濤同屋企人上電動車去閘口，梁家輝就去買煙，返嚟再會合屋企人坐機場電動車。」從相片見，阿B與老婆范姜及囡囡離港，梁家輝站在角落等候，問到有沒有人對他們指指點點？張小姐說：「冇，可能時間好早。」
昨日上街的葉德嫻謂不應批評阿倫與阿B：「我哋唔好話人選擇唔啱，每個人都有判斷，唔好搞分化。」她又向記者說：「邊一位鍾意做乜，係佢哋嘅事，我𠵱家就行咗出嚟。每個人都有自由、自己認為啱嘅嘢，我唔批評佢哋。」袁彌明昨日遊行期間接受訪問，提到阿倫和阿B，她說：「佢兩個呢啲所謂前輩，又係我細個嘅偶像，佢哋以前都係出嚟六四遊行，叫李鵬下台，點解會咁樣？佢哋因為上咗神枱，過咗啲完全離地嘅生活，完全唔知民間疾苦，完全唔知呢一代嘅後生仔係點諗，佢哋真係冇資格。」
一向敢言的黃耀明及何韻詩也前日分別公開斥責前輩，明哥在社交網發文，指阿倫口中的「不想談政治」是自欺欺人：「當你踏進這個公園，踏上這個舞台就已經非常政治。」他又反擊阿倫的管治理論說：「法治的社會不單是靠警方維持，警方只是執法機關；警察有過大的權力或濫用權力，香港將會變成一個『警察社會』，然後就變成極權統治，跟法西斯一樣。極度危險！」
| | | |
何韻詩「懶高尚」
阿詩也在網上撰長文，重提阿倫及阿B在1989年曾高調支持北京學生：「當年冇利益衝突就高調支持北京學生，去跑馬地表現悲壯；過咗30年時勢唔同喇，𠵱家你哋自己屋企有事啊，要你哋支持學生就懶高尚『不談政治』。」
另外，劉美君、任達華、黃依汶等前日也分別在社交網貼文撐警，任達華貼上一張撐警畫作，同樣引來網友批評。
採訪：馬建華、羅慧敏、皓騫
攝影：陳慧安、陳俊強、林賓尼
|
鍾意就快D Share啦！
|
|
|
