掃呢頁CODE去手機

2019年7月9日 星期二

英超Fever:【有片】曼聯鬼打鬼 普巴講手郁連格! __,曼聯,

(影片截圖)想走又未走得,坐完16個鐘頭飛機,保羅普巴會點呢?就係幾乎郁手打連格!曼聯剛展開季前熱身之旅,2名意欲「脫魔」嘅球星普巴同盧卡古,逼於無奈 ...


(影片截圖)


想走又未走得,坐完16個鐘頭飛機,保羅普巴會點呢?就係幾乎郁手打連格!曼聯剛展開季前熱身之旅,2名意欲「脫魔」嘅球星普巴同盧卡古,逼於無奈隨隊飛赴澳洲。上機時已黑口黑面嘅普巴,熬完飛機後心情更曳,抵達袋鼠國後同連格嘈起上嚟仲諗住郁手郁腳,好彩有域陀連迪路夫撳住佢把火,唔係未開操先打交就麻煩。

普巴早前表明希望離隊,經理人拉奧拿亦話皇馬及祖雲達斯,都有意以天價力斟呢名法國世界盃冠軍球星。但現時交易正在洽談當中,故普巴唯有隨曼聯開操。於英國曼市機場,普巴心事重重唧都唔笑,心情已明顯唔靚。

之後紅魔上下連領隊蘇斯克查,終於飛到澳洲珀斯。一段由曼聯官方Twitter發布嘅短片,入面清楚睇到普巴同連格鬧緊交,普巴仲激動地想衝埋連格度講手,好彩連迪路夫睇到及時攬住普巴,先冇更不愉快事情發生。英國傳媒估計,普巴高調意欲離隊,已經破壞同隊友之間嘅和好關係,睇嚟大家都幾難合作落去,所以唔少當地魔迷,都希望普巴早走早着,以免影響球隊士氣。

立即參加「賞您睇」:http://bit.ly/2JWKULh 

Click下面粒掣,儲on.cc coins!機票、家電、超市禮券、過萬份獎品等緊你。 




來源 source: http://hk.on.cc
鍾意就快D Share啦!