網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年9月17日 星期二

【毫無代溝】陳慧珊自言係超齡家長 老公被12歲阿女同學叫公公 __,陳慧珊,

 (攝影:陳慧安)
陳慧珊(Flora)在娛樂圈打滾廿幾年,拍劇幕前演出經驗豐富,事業在2000年期間闖入高峯,後期緣份到甘願犧牲工作,與現任老公鍾家鴻結婚並誕下女兒鍾律 ...


陳慧珊(Flora)在娛樂圈打滾廿幾年,拍劇幕前演出經驗豐富,事業在2000年期間闖入高峯,後期緣份到甘願犧牲工作,與現任老公鍾家鴻結婚並誕下女兒鍾律然,當上全職媽媽一段時間再復出。成為人母後,Flora思想上自然有所改變,每走一步都為下一代及家庭,驅使她投身教育界,現在仍學海無涯,就讀香港大學教育系博士生。早前Flora和老公合作自編自主製作「開電視」節目《放學後》,碌盡人情咭邀請了份量級嘉賓亮相節目分享。



Flora形容自己「三遲」,遲當媽媽、遲入教育界、遲讀碩士,如今想將其演藝經驗湊拼教育界力量去成使命,製作節目只是很初步。Flora坦言她和老公鍾家鴻背景都是經歷第二段婚姻才生育小朋友,思想及睇法與一般家長有異,Flora說:「而家啲家長大約30歲,我哋係超齡家長,阿女啲同學叫老公做公公,我哋同普通家長有個gap,大學教授批我寫論文都只係30幾歲。」鍾家鴻即附和:「我60幾歲,大家睇法好唔一樣。」不經不覺女兒鍾律然將近12歲,幸好母女毫無代溝或距離,Flora說:「反而阿女會話我哋聽想點,有咩睇法,3、4歲時已經有呢個力量,我哋覺得佢面對事情好哲學。」現今科技資訊發達,新一代對此更靈活運用,很多時由女兒反教二人,兩人笑指:「個女5歲時已經叻過我哋,我哋CPU舊咗,要跟上阿女技科技方面節奏開始吃力。」



Flora學生時期在美國接受教育,面對香港現今教育方式,她認同有改善空間:「我係70年代讀小學,以前教育制度係老師講,學生吸收,而家已經改善咗,相信小朋友讀小學時應該去玩,爬樹、畫畫、跳舞,而唔係要做出任何成績,需要自己去探索,去面對學習解決問題。返學固然重要,讀到書係好事,但冇機會的話,好似吳鎮宇在節目中講去圖書館睇書學習一樣有得着。」



Flora今次不惜工本自資拍攝節目,既擔任監製又做主持,直言製作和時間均比預期超支,花費不止7位數字,希望獲教育界、學生、家長欣賞支持,日後若到學校演講將會以「三為一體」團隊實行。Flora和老公感激嘉賓好友拔刀相助拍攝,並點名稱讚林日曦,鍾家鴻說:「好欣賞佢say yes同做完件事態度,睇住佢由商台再創立100毛,最初聯絡佢時都未做上巿公司主席,佢反問唔明點解我哋搵佢,90%唔會做,只當識多個朋友,後來聽我哋講咗5分鐘,佢就話99.9%會做個節目,我哋要有不同階層人士分享。」說到底Flora夾着藝人身份,近年初嚐幕後滋味,她強調仍醉心演藝事業,並說:「現時好似踩單車咁,但呢個階段上天想我做咗呢樣嘢先,有使命在身。」



採訪:卓寶花

攝影:陳慧安

攝錄:馮嘉銘



(攝影:陳慧安) Flora今次不惜工本自資拍攝節目,既擔任監製又做主持。 Flora今次不惜工本自資拍攝節目,既擔任監製又做主持。
 Flora和老公感激嘉賓好友拔刀相助拍攝,並點名稱讚林日曦。

Flora和老公感激嘉賓好友拔刀相助拍攝,並點名稱讚林日曦。
 Flora形容自己「三遲」,遲當媽媽、遲入教育界、遲讀碩士。

Flora形容自己「三遲」,遲當媽媽、遲入教育界、遲讀碩士。
 Flora和老公合作自編自主製作節目開電視節目《放學後》。

Flora和老公合作自編自主製作節目開電視節目《放學後》。

鍾意就快D Share啦!