網友讚夫妻相
靚仔有型、運動勁、家底好兼為天王郭富城鄰居，令余德丞成為無綫高富帥筍盤，入行以來跟不少女星傳緋聞，包括劉穎鏇、麥明詩及蔡思貝等，被譽為「港姐收割機」。在芸芸「丞女郎」中，唯獨與蔡思貝是備受矚目的螢幕情侶，自合作旅遊節目《緬甸奇幻旅程》後私交甚篤，感情昇華。去年他昏迷入院，蔡思貝多次撲到醫院探望，憂心肉緊。他病愈後首次復工，即孖住女方出席活動，並跪地送花，活動後又跟蔡思貝父母合照，可見關係緊密。
最令外間議論，是他特意在今年2月14日情人節，為蔡思貝補祝2月6日的生日，女方冧爆留言：「Blessed with錫我嘅人。」即令網民誤會二人公開戀情，並讚他們有夫妻相。其實放閃非首次，去年年底，余德丞網晒合照，其中一張伏在女方肩膀，他留言：「人與人之間嘅關係就係咁奇幻，佢鍾意睇書，我鍾意睇波，佢唔鍾意畀人控制，我鍾意控制人。」
來源 source: http://orientaldaily.on.cc
|
鍾意就快D Share啦！
|
|
|