李麗珍近日接拍ViuTV處境劇《娛樂風雲》，談起新劇明顯有興趣，她說：「其實我一直以嚟都只係做過一份工，就係演員，所以基本上唔會有乜嘢唔習慣，只不過𠵱家係要有時間休息，唔夠瞓真係會空白，不過我今次嘅戲份只有20集，如果要我拍晒100集，可能未必會喺度做到訪問。」
提到今次飾演的角色，珍妹表示：「開頭係一個師奶仔，冇諗過自己會復出，跟住個仔入咗娛樂圈，搞到自己戲癮發，我喺戲裏面為咗要打低啲對手，要出好多絕招嘅人，真係好唔似我，呢啲嘢我都唔識，做戲咁做。」在娛樂圈打滾多年，有否遇過這情況？珍妹笑說：「我真係唔知喎，我唔會識得咁圓滑去安排自己，亦唔知以前有冇人爭角色，嗰陣競爭冇咁大，樣樣嘢都係公司安排好晒，唔使自己去諗，我諗𠵱家競爭多咗，可能會有呢啲情況出現。」
相關新聞：【金馬影后】拍三級片求突破
來源 source: http://hk.entertainment.appledaily.com
|
鍾意就快D Share啦！
|
|
|