掃呢頁CODE去手機

2019年10月27日 星期日

被掟出主時空的未來戰士 __,未來戰士,

《未來戰士3:殲滅者TX》
占士金馬倫回歸掌舵,《黑暗命運》故事直接延續1991年《未來戰士續集》。其間的三齣續集,好聽啲,可視為另一條timeline故事;難聽啲,當佢哋冇到。 ...


占士金馬倫回歸掌舵,《黑暗命運》故事直接延續1991年《未來戰士續集》。其間的三齣續集,好聽啲,可視為另一條timeline故事;難聽啲,當佢哋冇到。

相關新聞:5大「戰士」星途大不同



《未來戰士3:殲滅者TX》2003年

事隔十二年,阿諾出任加州州長前再做一次殲滅者。拍過《U-571風暴》祖納芬莫斯托執導,火爆場面做到足,但一拍埋同年上映的《廿二世紀殺人網絡2:決戰未來》,感覺就是老土。選角方面嚴重出事,Nick Stahl做約翰康納?錯晒。



《未來戰士2018》2009年

放棄「未來回過去」主橋,直接讓故事發生在審判日後,約翰康納面對天網之餘,仲要面對反抗軍內的人事權力鬥爭。McG主理的動作場面的確好睇,基斯頓比爾亦一如以往地好睇,問題是森禾霍頓那條故事線有點多餘。

相關新聞:【搣飛割凳】Sarah Connor is Back!



《未來戰士:創世智能》2015年

原意用來開展另一個三部曲:先帶大家回到1984年時空,向首集致敬,然後才告知:你所熟悉的過去已經不復存在。故事設定不俗,出事在積遜卡克演繹的約翰康納竟然是奸的——即係咁,改寫還改寫,但有些基本設定是不能改的。



《新未來戰士》電視劇2008至2009年

故事設定在《未來戰士續集》兩年後,莎拉康納面對內憂外患:內憂是約翰踏入反叛期懶理救世使命;外患是既有機械人追殺,又要應付FBI追捕。Budget有限,特技場面只能將就,但選角好故事設定亦唔錯,只是無以為繼,兩季玩完。




鍾意就快D Share啦!