關智斌變黑仔王新戲缺水爛尾
關智斌（Kenny）近期變身「黑仔王」，由他擔正男一的新片，近期因資金問題忽然停工，復拍無期，其經理人Mani證實此事，並指已看過拍好的部分，覺得Kenny與白只演得很出色，若完成不到作品，實在可惜，故不排除幫手搵「白武士」，望影片能夠「重生」！
關智斌、白只、顏卓靈（Cherry）合演的電影《任性的你》，於今年8月開鏡，至今已拍了三分一，Kenny在戲中飾演樂隊主音，為了演好角色狂操彈結他，在戲中他與Cherry有不少感情戲，同片還有白只、陳友、余安安等，原本電影拍得如火如荼，怎料，日前出現資金問題，電影突然停工，令一班演員檔期大亂，暫時復拍無期，眾人心血隨時付諸流水！
價錢合理英皇會出手
記者就此事向Kenny經理人Mani（霍汶希）求證，她承認電影出現問題要押後拍攝，她說：「依家未知幾時會開番，我哋都有睇過拍咗嘅片，Kenny同白只做得好好，埋唔到尾會好可惜！」今年9月，BOYZ原本合體開演唱會，最終因張致恒（Steven）鬧出一腳踏N船醜聞，令演唱會取消，Kenny更一度失望落淚，幸而最後得到經理人公司英皇的努力，他才可以單飛開騷。如今Kenny拍戲又遇上阻礙忽然停工，問到英皇今次會否再次出手打救？Mani說：「如果價錢合理，都會考慮。」
Kenny近年於內地發展，事事順暢，所拍之劇集如《追魚傳奇》、網劇《拜見宮主大人》有極佳成績，在內地人氣爆燈，賺到盆滿缽滿，先後在香港、加拿大置業，然而，最近他在港工作卻變成「黑氣之神」，問到會否覺得在內地發展對自己較有利？Kenny說：「其實返嚟之後，有好多廣告商、片商搵我，雖然演唱會有啲波折，但演出好成功，好多人都鍾意個騷，能夠喺自己喜歡嘅地方發展事業，係好感恩嘅事。」
余安安幫口集資
至於戲中演Kenny媽媽的余安安，相當有心，昨日受訪時表示有幫手為《任》片尋找「白武士」，她說：「基本上我已經拍晒，只欠一日戲就完成，亦收晒片酬，所以對我嚟講冇影響，反而好多演員嘅戲未拍，我個仔（Kenny）今次演得好好、好畀心機。個故事好勵志、好得意，所以我都有幫手問吓朋友有冇興趣投資！（阿媽認真唔話得。）戲中我做阿媽，係個不一樣嘅阿媽，演親我啲仔女都好靚嘅，我又多個靚囝囝喇！」
|
鍾意就快D Share啦！
|
|
|
