黎姿近年在美容界做女強人，更成為上市公司CEO，而亦要兼顧做媽媽，照顧3名女兒，一對9歲孖女的馬家蔚與馬家鎂及6歲的孻女Pegella，而黎姿更間中在社交平台分享與3名囡囡的生活點滴，如學校假期時帶她們去外地玩，不過就為保她們私隱，只會擺她們的背影相。
日前(10月7日)的星期一，當日是重陽節的公眾假期，黎姿就出來湊女過家庭日，帶了女兒去迪士尼的主題公園，就被《蘋果》讀者李小姐透過「爆相爆片」遇上了，當時大概5時半，李小姐就見到黎姿一拖二，帶住兩個囡囡在樂園的小食亭買雪糕爆谷類食物。黎姿當日就一身便服打扮，黃色tee襯牛仔褲及波鞋，戴了cap帽及眼鏡，在李小姐提供的片中，見到黎姿身旁有兩名女孩，應是其中一個孖女及孻女Pegella，而黎姿就低頭向Pegella詢問，估計問女兒買什麼零食，就排隊為女兒買食物，而另一條片就是多了不少與女兒同齡的小朋友堆在一起，再一起出發去玩其他遊戲，李小姐就回覆《蘋果》:「見到佢同兩個女睇買爆谷棉花糖，起初得佢一個湊住兩個女，之後先見到有一個工人姐姐，同埋有一埋小朋友加入，夾埋有大概6個小朋友，見佢好細心湊女，起初唔係太認到係佢，佢打扮得好low profile，佢哋成班人有一個迪士尼專位員工帶住安排玩，去咗Iron Man遊戲嗰邊方向去。」
此外，亦有另一讀者同時遇到黎姿，目擊除了黎姿與兩個女外，還有另一個孖女亦有在場，黎姿更落力地蹲在地上為她們影相，貼身照顧她們，而富商老公馬廷強亦有場，他就留在餐廳邊飲咖啡邊等四母女玩完匯合。
|
鍾意就快D Share啦！
|
|
|