將軍澳環保大道間中都會大塞車出現長長的車龍，但今次的罪魁禍首是誰？湯洛雯是也！
讀者余小姐透過「爆相爆片」，分享她今日坐輕型貨Van途經將軍澳環保大道時，遇上輕微交通意外的相片及影片。余小姐向《蘋果》透露：「我坐Van仔經過環保大道，當時架車係行緊快線，去到駿才街附近，有架私家車想喺中線Cut過嚟，但係又唔夠位Cut，跟住就撞咗落我坐嗰架Van仔左邊車身位置，我望一望揸車個女人，就見到係湯洛雯。」
余小姐指當時湯洛雯只有自己一個，貨Van司機驚覺貨車被撞隨即落車視察，湯洛雯之後亦落車了解。余小姐稱：「司機第一下反應都有啲忟憎，即刻話有冇搞錯呀，但落車認到係湯洛雯，態度明顯軟化咗，見佢哋傾咗一陣，湯洛雯賠咗一千蚊畀司機，成功『私了』，之後佢哋互相交換咗個人資料就走，全個過程大約十幾分鐘，貨Van司機仲講笑話，估唔到第一次攞明星簽名係咁樣攞。」
湯洛雯平日一向駕駛二手價約40萬元的歐洲車代步，但今日她卻駕駛另一部2012年出廠的小型私家車，根據車輛登記紀錄，此車以其個人名義購入。而湯洛雯回應傳媒撞車一事時，表現愕然：「嘩！咁快知道嘅！其實都唔算係撞車，只係大家揩一揩啫，冇事冇事，大家都冇事。」
|
鍾意就快D Share啦！
|
|
|
