2019年11月13日星期三

【頭條獨家】《牛下》似港人心靈雞湯蔣志光歐瑞偉曾偉權望為觀眾送暖 __,曾偉權,歐瑞偉,蔣志光,

【頭條獨家】《牛下》似港人心靈雞湯蔣志光歐瑞偉曾偉權望為觀眾送暖

本身已經好老友的瑞偉哥、阿蔣和權權，該劇後更加熟絡。

蔣志光、歐瑞偉和曾偉權最近難得在劇集《牛下女高音》中有大量對手戲，一班中佬合作特別開心，去長洲拍外景都似去旅行。他們又認為劇集唔播又播，到現在受歡迎，可能因社會氣氛不佳，該劇似是港人心靈雞湯，帶畀觀眾絲絲溫暖。他們又坦承劇集受歡迎，望帶挈他們以合唱團形式齊齊搵真銀。撰文：杜淑霞攝影：李權威

阿蔣、瑞偉哥和權權認為一班中佬好難得咁多對手戲，權權說：「平時啲劇就算合作都好少咁多對手戲集中一齊，每日開工都好似朋友聚會咁相當開心，特別去長洲拍外景，一班人似去旅行多過開工。」

讚King Sir夠專業

阿蔣又踢爆戲中跟他疑似有hehe情的瑞偉哥，因這劇打開心扉，變得開朗健談，「以往佢唔多出聲，依家佢講多咗好多嘢，訪問都會主動答問題。」瑞偉哥就解釋，「我個人係比較慢熱，大家熟咗就會講多啲。」

三人又覺得劇集受歡迎，可能跟現在社會氣氛很有關係，瑞偉哥說：「劇集就好似心靈雞湯一樣為大家送暖。」阿蔣又大讚鍾景輝（King

Sir）雖然帶病演出，但一開機就完全睇唔出，「King Sir嘅專業態度，我一世都唔會忘記，絕對係自己好好嘅學習對象。」三人又即場唱了段國語歌《青春舞曲》，瑞偉哥和權權謂有阿蔣帶領唱歌就完全唔驚，拍攝時都是靠阿蔣去安排。他們又坦言想整合唱團，都想一班表現搵真銀。