南區海怡西另一位候選人為新民黨陳家珮。黃之鋒指，陳曾公開稱呼示威者為「曱甴」的行為是極不尊重市民，「批評市民為『曱甴』呢一類嘅仇恨言論，連何君堯都未試過講出嚟」。他指，雖然自己被DQ或會激起更多市民投票，但認為陳此等的行為才是令市民憤怒的主因。被問到會否擔心港府以任何理由腰斬甚至取消選舉，他指「全世界無一個地方會令市民要7點幾就嚟排隊投票」，顯示市民對政府及選舉制度沒有信心，希望市民抓緊機會投票，「因為唔知下次（選舉）會唔會取消，仲有無得投。」
前政務司司長陳方安生早上11時半現身票站投票，陳太強調今屆選舉亦影響到明年立法會及2022年行政長官選舉，意義非常重大，呼籲市民要把握機會投票，直言在推動民主、推動民生及對暴政說不方面「手中嘅一票至為重要」但呼籲市民要保持克制和平方式，勿阻其他選民行使投票權。
陳太強調政府不應「淨係同建制派先有得傾」。陳太亦認為政府現時就政改方面重啟談判至為重要，認為今次反送中運動中其中一訴求是爭取真正普選。陳太則認為建制派在配票方面有龐大的資源及力量，市民毋須趕着朝早投票，她認為此舉或令建制派更易預測選情。
劉銳紹驚訝投票氣氛鼎盛：只喺台灣大選見過
時事評論員劉銳紹是海怡西選區的選民，他會合太太後便準備前往票站投票。他指自己居住此區多年，從來未見過投票情況如此鼎盛，相信自己要排上45分鐘才能投票，「呢種氣氛我只係喺台灣大選見過，但今日我（喺香港）見到喇，大家行使手上一票嘅意欲係好強」。他指剛剛沿票站外的人龍繞了一圈，除了投票人數眾多，他亦留意到一大清早已有年輕選民在輪候投票，「無論個結果點，我覺得大家個公民意識、個選舉權利在我呢個意識，必須要守落去」。
劉分析，這個情況由兩大因素組成，首先與香港政局的大環境有關。他指，早前《蒙面法》被高院裁定違憲，全國人大常委會法制工作委員會則發聲明，強調該法律合乎《基本法》，並指「港法律是否合乎《基本法》，只能由全國人大判斷決定」，加上近日中大、理大事件，統統令港人更害怕，「『兩制』唔止越嚟越模糊，甚至可以話係好快去到崩潰嘅臨界點」。另一因素是基於市民對港府行政手法欠缺信心。早前有傳指萬一票站提早關門，選舉事務處將以已投的票數當成最終結果。劉指，雖然選舉事務處已就事件澄清，「但大家唔信佢，驚一陣你又搬龍門，所以諗住越早投就越好」，認為有公權力的官方必須好好反思。
|
鍾意就快D Share啦！
|
|
|