否認曾斟古天樂公司 鍾嘉欣有戲癮想走得更遠
鍾嘉欣今日現身澳門擔任聖誕亮燈嘉賓，表示非常喜歡及重視聖誕節，是一個屬於家庭的節日，但卻為揀禮物頭痛，因為丈夫11月27日生日，因此選購禮物需包含雙重意義。她說：「我老公好鍾意儲手錶，我一陣揀隻黑色手錶，等佢望落更加有型，唔好成日都銀色。」
嘉欣透露聖誕節正日將於溫哥華跟家人度過，然後會出外旅遊，但地點仍未有定案。她謂1歲多的兒子Jared正在牙牙學語，已學懂叫爸爸、媽媽，並笑說：「但佢唔肯錫錫，任何人錫埋去都會擰轉面，佢好Man。」至於女兒Kelly已成為好幫手出盡辦法湊弟弟，令她感到有趣又窩心。
早前《星島日報》獨家報道，鍾嘉欣有意加盟古天樂旗下天高娛樂，但最終臨門失腳，原因是還在洽商期間，鍾嘉欣發現其名字於官網出現，因此感到不滿，導致加盟告吹。
嘉欣首次回應報道，指不知道官網一事，她解釋跟該公司某幾位成員是好朋友，曾經替她推薦及轉介工作，關係謹此而已。她強調現職兩個孩子的母親，亦非常享受自由身，但坦誠有戲癮，亦覺得於演藝事業上可走更遠。提到早前推出新歌《做你的晨曦》，她坦言：「我真係好鍾意音樂，我電話有好多我作嘅歌，有啲已經填埋詞。首歌都係天高娛樂幫我搞，至於簽公司就隨緣，緣份到我擋都擋唔住。」
來源 source: http://hd.stheadline.com
|
鍾意就快D Share啦！
|
|
|
