呷醋老公送女兒大公仔 楊洛婷：佢都未試過買畀我
楊洛婷出席商場聖誕裝置預覽活動，就香港社會氣氛緊張，過往擔任不少聖誕活動的主持的她，直言今年收入減少，但沒有計過幾多，因自從有女兒後，最緊要女兒開心。
今年聖誕節父母來港，所以會一家人到新加坡旅遊，楊洛婷說：「適逢同老公（黃天翱）結婚5周年，原本想去夏威夷，因為驚有時差，於是去短途旅行，新加坡有動物園好啱小朋友去。」她表示去完旅行後，會在家中舉辦聖誕派對，亦特意訂了一棵聖誕樹，屆時邀請朋友玩交換禮物。
對台灣藝人高以翔為內地競賽節目錄影時猝死，楊洛婷表示沒跟對方合作過，但感到驚訝。可會勸告老公少玩激烈運動？她爆老公好細膽，當年拍拖只有25歲已經不夠膽玩跳樓機，老公應該擔心她較多。她說：「可能女兒遲啲叫他就會玩，老公買咗好大兔仔公仔畀女兒做生日禮物，佢都未試過買咁大同我鍾意嘅嘢畀我，所以有時都會呷醋。」當建議她不如追生兒子制衡老公，她笑言也想，但仔或女也無所謂，不過女兒較為親近她。
來源 source: http://hd.stheadline.com
|
鍾意就快D Share啦！
|
|
|
