2019年11月11日星期一

【頭條獨家】佢係網絡女神杜小喬男友譚永浩陪阿媽超市買餸 __,女神,杜小喬,譚永浩,

【頭條獨家】佢係網絡女神杜小喬男友譚永浩陪阿媽超市買餸

譚永浩同杜小喬因合作音樂劇《我們的青春日誌》而撻著。男方好乖仔會陪媽媽去買餸，難怪娘娘會同佢一齊。

就咁嘅，呢篇稿嘅主角叫譚永浩，英文名叫 Jarryd，10年參加英皇新秀歌唱大賽奪得「金咪大獎」及「最受歡迎網上人氣獎」，2年後入咗無線藝員訓練班，畢業後做過《安樂蝸》等節目主持，去年喺劇集《救妻同學會》中飾演花弗男，今年終於簽TVB做經理人，其實寫佢原因同上面介紹嘅完全無關，係因為佢係網絡女神杜小喬嘅男友，無錯，杜小喬男友陪阿媽買餸，好孝順呀。採訪:梁志明

今年7月，娘娘杜小喬喺ig貼上拖手相，公開認愛，男友就係譚永浩。兩人因為喺音樂劇《我們的青春日誌》中飾演情侶而撻著，對於跟娘娘拍拖，Jarryd接受訪問時表示：「其實我真係未試過同行內人拍拖，唔知會點，最重要另一半一定要善良。」對於女友曾經收兵無數，佢話唔介意另一半嘅過去。

認真買餸

當日晚上七點，戴咗口罩嘅譚永浩陪媽媽喺銅鑼灣時代廣場超市買餸， Jarryd唔只陪仲會畀意見，兼落手落腳揀，見佢揀蕃茄同菜，又去買扒同醬油，行咗半個鐘，買咗一堆餸，又乖又孝順，難怪杜小喬肯放棄成隊兵而情歸於佢。