香港從6月初開始因修訂反送中條例，出現多次大規模抗議遊行，甚至是流血衝突，這也讓香港人開始思考，是不是該離開香港，而在附近的台灣就成了熱門的選擇，港人移民台灣詢問量暴增，而於股壇、政壇及娛樂圈打滾數十載的蕭若元，也宣佈要跟隨太太移居台灣，這幾個月來，他已兩度踏足台灣，為投資移民到當地觀察及做好準備，預計年底舉家移居台灣。而其子蕭定一被問到會否跟隨父親移居台灣，他表示：「見到今時今日嘅香港變成咁，走係一定會走，但我同老婆仲考慮移居去邊個國家，因為睇下邊度做生意有利。」
日前蕭若元以時事評論員身份在網台上提到，自己是一直熱愛香港，今年活到70歲，現在他要離開香港，蕭若元表示：「一直都係蕭太要移民去台灣，我係彈弓手，我咁鍾意香港，離開係一件痛苦事，但直至星期四晚再睇完四中全會公佈全文，係欲哭無淚境界想唔走都唔得，簡單啲嚟講，Halloween嗰日拉咗260幾人，你話幾離譜呀！大興邨街坊抗議你哋啲催淚彈氣體，你哋啲警察又射催淚彈驅散人，又入屋邨入面要人跪喺度，高舉對手，又話嗰啲人唔係街坊...有一男一女喺街跳舞要捉人哋已經唔啱，仲入埋餐廳，個女負責人擋在門口，唔俾警察入去捉人，警察推低個女人，立刻拘捕咗人哋同埋個細佬，咁你睇下一個地方人身安全咁冇保障，我忍到最後1分鐘，咁睇埋北京四中全會全文，關於香港部份...香港司法系統將被摧毀，對於特首同高級官員任免有實質主動使用權，如果今日佢哋覺得港台唔聽話，隨時可以炒咗新聞局長，唔使理特首你話幾大鑊。」
對於中央要求香港、澳門特區政治完善，建立健全國家安全法律制度和執行機制，蕭若元認為是中央要求香港重啓23條惡法的訊號，如果這條法例通過，他會擔心容易被人以言入罪：「我會有人身安全危險，喺香港坐監我都唔驚，坐幾年咪喺入面讀個博士學位出嚟囉！但最驚係捉返大陸，3年都唔審你，咁就唔知坐幾耐，咁就大鑊。」
《蘋果》聯絡蕭定一，老爸有移民決定，問他會否跟隨？他說：「其實佢只係有咁嘅打算，仲未有實際行動，不過睇埋呢幾日啲電視直播，啲差佬咁捉人，香港亂成咁，走就一定走，但會去邊，仲諗緊，睇下邊度有生意就優先考慮。」
|
鍾意就快D Share啦！
|
|
|