網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年11月25日 星期一

英超Fever:【有片】廢柴出醜再創新猷 曼聯迷:快躝 __,曼聯,

(互聯網)曼聯今輪英超坐晒過山車,先輸2粒入3球,但最後都係贏唔到,只能作客打和錫菲聯3:3。上半場紅魔鬼表現曳到震,今仗意外踢正選嘅菲爾鍾斯更瀨晒嘢 ...




(互聯網)


曼聯今輪英超坐晒過山車,先輸2粒入3球,但最後都係贏唔到,只能作客打和錫菲聯3:3。上半場紅魔鬼表現曳到震,今仗意外踢正選嘅菲爾鍾斯更瀨晒嘢,上半場被對手前鋒賴斯莫薩特玩到殘,多次被爆開跌到一仆一碌,直接累曼聯輸第一球。魔迷睇到擰晒頭,唔少都希望佢可以盡快離開球隊,亦唔明點解愛隊要放走基斯史摩寧。


於2013年,費格遜曾經預測鍾斯將成曼聯傳奇球員,但費Sir呢次真係走漏眼,鍾斯唔好話變傳奇,依家連做正選嘅能力都冇。曼聯今戰踢343陣式,鍾斯得以同哈利馬古尼、域陀連迪路夫齊齊打正選,但佢好明顯有心無力,面對對手法國23歲鋒將賴斯莫薩特,無論速度、靈活度甚至力量都唔及對手,於失波之前,已有一次被賴斯莫薩特撞到插水式瞓地;到失波一球,佢食唔晒身位,竟然被賴斯莫薩特一拍就彈飛,最後後者傳中造成入球。


今場係鍾斯本季首次打正選,就要為失波孭晒鑊,領隊蘇斯克查都頂佢唔順,半場就換走佢,以連格入替。鍾斯11年加入曼聯後冇齣好戲,相信好快會被新仔杜安薛比過頭,成球隊第5中堅(馬古尼、連迪路夫、馬高斯盧祖、杜安薛比),曼聯球迷於賽後喺網上話,唔明點解要放史摩寧而留鍾斯,其實事實一字咁淺,因為史摩寧仲有人要,鍾斯就唔係囉。

來源 source: http://hk.on.cc
鍾意就快D Share啦!