掃呢頁CODE去手機

2019年12月3日 星期二

許靖韻自封「葵青舞王」 小背心Angela開騷勁興奮 __,許靖韻,

許靖韻自封「葵青舞王」  小背心Angela開騷勁興奮
出道六年、向以實力靚聲見稱嘅小背心許靖韻(Angela),於早前喺九展舉行《My25Live》演唱會,除咗自彈自唱大騷琴技外,Angela更苦練舞功大 ...




出道六年、向以實力靚聲見稱嘅小背心許靖韻(Angela),於早前喺九展舉行《My25 Live》演唱會,除咗自彈自唱大騷琴技外,Angela更苦練舞功大跳勁舞,帶動全場氣氛,令樂迷high爆!

撰文、圖片:東方新地



許靖韻回歸「小背心」時代大唱多首經經歌曲

演唱會以自彈自唱一曲〈小背心〉開場,記錄Angela兩年前以網絡歌手「小背心」 身份登場開始廣受樂迷愛戴。除獻唱多首自家作品,Angela亦翻唱了〈When I Was Your Man〉、〈獻世〉及〈說好的幸福呢〉多首對佢意義重大嘅歌曲,代表著過去一年參加內地大型選秀及歌唱節目嘅難忘經歷。

Angela感恩有幸企上舞台:「回想起我 17 歲參加比賽嘅時候,加入公司後三年為不同歌手唱 demo ,之後終於有機會出碟,但推出咗三張唱片都仲係冇乜人認識。」
Angela感恩有幸企上舞台:「回想起我 17 歲參加比賽嘅時候,加入公司後三年為不同歌手唱 demo ,之後終於有機會出碟,但推出咗三張唱片都仲係冇乜人認識。」

Angela特別邀請曾為佢寫歌嘅音樂人林家謙,以及同期新人雷深如(J.Arie)擔任嘉賓。


J.Arie表示好開心可以同Angela一齊成長,見到佢擁有個人演唱會亦戥佢高興!

勁舞炒熱氣氛 自封「葵青舞王」

隨後Angela為粉絲帶來驚喜,以勁舞〈7 Rings〉及〈Ring Ring〉帶動全場氣氛,之後嘅一連串dance medley,令樂迷high爆尖 叫,fans大讚「好叻女」、「跳得好」!Angela激動表示要多謝排舞老師:「我跳舞唔好,真係花咗好多時間練習,排舞老師一直好擔心我,好感激排舞老師同埋所有dancers嘅付出!」Angela笑指自己係「葵青舞王」,擔心觀眾睇佢跳舞嘅反應唔知係驚喜還是驚嚇,現場觀眾即時報以熱烈嘅歡呼拍掌聲鼓勵!

許靖韻為今次個唱苦練舞功,表演一連串dance medley大獲讚賞。


歌迷:以後的路陪著你走 Angela感動流淚

尾聲encore環節,Angela唱出〈不如告白〉時,有歌迷舉起寫上「以後的路陪著你走」字句手幅,令Angela非常感動地指:「今晚我可以唱出自己嘅作品,都係多得你哋支持。每次演出我都會當作最後一次,因為知道每次嘅機會都得來不易。」最後演唱會終於喺難捨難離嘅氣氛下感動落幕。

獻唱〈被討厭的勇氣〉,超有感情嘅演繹令觀眾聽得十分感動。

師姐鍾舒漫及師妹李靖筠亦有去捧場。

來源 source: http://www.nmplus.hk
鍾意就快D Share啦!