熱爆娛樂: 黃翠如爆睇過洪永城全相蕭生蕭太踩界講鹹濕嘢收投訴 _

2019年12月3日星期二

黃翠如爆睇過洪永城全相蕭生蕭太踩界講鹹濕嘢收投訴 __,洪永城,黃翠如,

無綫台慶節目《珍惜香港發放娛樂TVB52》上周二（19日）以錄播形式出街，全台逾160位藝員攜手演出多個項目。不過節目期間發生插曲，令黃翠如蕭正楠接獲400宗投訴！

撰文、圖片：東方新地

黃翠如爆洪永城大鑊內容不雅接獲400宗投訴

台慶一如以往嘅大型歌舞表演當然唔少得，仲有大棚人圍爐玩遊戲，當中由蕭正楠、黃翠如夫妻檔聯同兩大密友洪永城及曹永廉演出嘅「真假遊戲」，翠如喺節目中自爆睇過洪永城全相，又嘲其性器官短小，仲話：「就係因為睇過佢先鍾意阿蕭！」因為內容不雅接獲400宗投訴，事後蕭生蕭太都知衰，翠如話：「我有檢討過，好似係有啲不雅，以後唔可以太踩界。」

蕭生蕭太聯同兩大閨密洪永城及曹永廉演出節目「真假遊戲」，大講黃色笑話而收投訴，事後翠如知衰承認會好好檢討：「以後唔可以太踩界。」

蕭正楠、黃翠如夫妻檔出席活動吸金，阿蕭坦言有親自下廚谷肥老婆：「我平日煮飯暗地煮多一倍，通常佢都會食清光。」

蕭正楠護航代妻道歉洪永城澄清「無被睇過全相」

至於被洪永城揶揄淫賤不能移，翠如否認睇過對方全相：「其實我都係同大家同步睇嘅電視畫面，問阿蕭啦，佢哋成日一齊去廁所。」阿蕭亦為老婆護航：「對白都係度出嚟，因為大家太好朋友，講嘢唔會勒住。（怕唔怕人哋女友嬲？）洪永城見到女友就會重振雄風」洪永城事後亦表示當晚大家照稿讀，佢亦都話會檢討日後說話要小心，並強調只係娛樂大家，澄清翠如冇見過佢全相。