連詩雅小背心情挑 鄒文正嫌未夠喉
連詩雅（Shiga）、雨僑等為網劇《性敢中環》豁出去無底線演出，其中Shiga穿上性感小背心，情挑劇中小鮮肉鄒文正（Terry）埋身咀嘴，艷福不淺的Terry大叫未夠喉：「又驚又喜，未嚟得切驚就已經拍完，如果再有機會，應該要綵排多幾次，哈哈！」Shiga則說：「最初有少少尷尬，因為大家未算好熟，不過因為Terry劇情上要表現得比較怕醜，所以都幾搞笑。」
劇中雨僑和蔡瀚億這一對亦大團圓結局，反而陳嘉莉被飾演「賤男」的郭偉亮（Eric）狠狠傷害，四位姊妹不惜帶齊架生到Eric婚禮搗亂。雨僑指拍攝時碰巧是自己結婚那段時間：「監製竟然睇上我個婚禮場地，問我結完婚可唔可以借個場嚟打爛，真係嚇死我！」
此外，連詩雅昨日出席活動拜神時，表示早知好友周柏豪做爸爸，並讚BB女得意：「我緊張到好似自己生咁，係咁問幾時預產期。（送咩賀禮？）送咗補品畀阿嫂，BB就100日再送。（BB似邊個？）嘴似柏豪，但BB成日變樣，總之非常得意，未見過有新出世BB咁多頭髮。（會唔會上契？）我唔好意思開口，我當佢係姨甥女咁。」
來源 source: http://orientaldaily.on.cc
|
鍾意就快D Share啦！
|
|
|
