黃秋生今年4月憑《淪落人》封今屆香港電影金像獎影帝，他帶着此片到日本東京宣傳，並到戲院與優先場的影迷見面，他大談接拍此片的理由，更笑言當初不收酬勞接拍，換來監製提議分紅，由於他們都沒有想到電影至今仍在陸續上映，所以至今一分錢都未收過。
香港社會氣氛混亂，日本傳媒亦有相關報道，在活動上，主持指有不少喜歡港產片的影迷也很擔心現時的香港社會狀況，主持直接問秋生有何看法，秋生坦言叫觀眾近期別到香港來，他說：「暫時唔好去香港住喇你哋，因為啲警察黐咗線。我諗香港人嘅將來，係需要香港人自己去爭取嘅。」
秋生說：「我非常之敬佩香港嘅年輕人嘅勇氣同埋佢哋嘅膽識，我係咁耐以嚟……我估都估唔到，佢哋可以咁樣嘅。當然唔止香港嘅年輕人啦，仲有好多香港嘅中年人、好多唔同界別嘅人都出嚟爭取，我從來都未試過咁為咗自己係一個香港人而驕傲！」
秋生不忘感謝日本人的支持，他說：「亦都要多謝日本嘅朋友，將我哋首《願榮光歸香港》譯咗做日文，好好聽。其實一路以嚟，我諗香港同埋日本，喺文化等各樣方面，大家都係互相喜愛嘅，所以希望喺將來大家都會為咗自己嘅地方嘅美麗繼續努力。」
|
鍾意就快D Share啦！
|
|
|
