與胡鴻鈞醞釀數年 蔡思貝預告親報喜
被拍得跟歌手胡鴻鈞拍拖的蔡思貝，昨日出席活動時大方讚對方唱歌好聽，又揚言會在社交平台親自報喜！
蔡思貝、王浩信、張振朗及張曦雯等昨日在將軍澳電視城為新劇《踩過界II》試造型，最近思貝被爆撻着胡鴻鈞，她說：「係成班朋友一齊玩。（點解會熟？）前兩年我有跳佢首《到此一遊》舞蹈版，又一齊玩《降魔的》遊戲節目，其實幾年前拍《衝線》已經合作過。（覺得佢點？）唱歌好好聽。」但避談是否有發展機會。對於胡鴻鈞衝口而出「認愛」，她再表示二人是好朋友，問到若拍拖會否承認？她說：「我有咩會喺社交平台講。（另一個緋聞男友余德丞降呢？）佢都係好朋友同好拍檔。」
此外，談及在《踩II》的角色仍是上集的「癲姐」，但沒有了假哨牙，她笑說：「其實仲有棚牙，但今日唔想嚇親大家。戲入面都會有啲改變，其實我係想全程都咁醜，係一種特色！今次職業上都有唔同，上次我係師爺，依家升呢做大律師，對白有7頁紙，我都好期待！」
振朗浩信「基情四射」
席上張振朗騎電單車出場，之後王浩信坐上後座，延續上集角色「GoGo」及「盲俠」，笑言比上次更「基情四射」，浩信說：「我哋另外套劇已經突破咗，獻出第一次男仔錫，今次希望有新火花。（有冇更激場口？）振朗幫我沖涼，我本身話唔再騷肌，依家又要Keep Fit喇！」振朗即自爆會幫他擦背，更講到流晒汗：「擦背夠喇！都係第一次兩個男仔一齊沖。」
而張曦雯的角色好勝，希望鬥贏浩信，更會主動追求他：「有啲性感造型色誘佢，但佢睇唔到，要靠摸。」對於角色設定跟上集的李佳芯（Ali）相似，她說：「係有啲似，預咗有比較，希望演到有Ali咁好。」
來源 source: http://orientaldaily.on.cc
|
鍾意就快D Share啦！
|
|
|