嘩！第一先生中風係大新聞，八方當然四出求證。有政界話冇聽聞林兆波身體有事，當然唔知係咪777唔想講啦？睇番政府早前推出嘅澄清網，至今未有澄清呢段已經傳咗兩三日、藍絲疑似為777解圍嘅傳言。
有腦科醫生則指，當好多人做同一動作，人嘅心理同腦部會自然跟隨做同一動作；一般而言，即使病人有中風、栢金遜症或認知障礙，都唔會阻礙病人有呢類自然反應。
如果根據醫生專業意見，似乎唔認為林兆波中風喎。八方回帶睇番當日情況，發現根據澳門新聞局片段，習近平出席澳門新一屆政府就職禮離開會場時，特別回頭同林鄭握手，而林兆波當時可以自行行前一步，自然伸出右手同習近平握手幾秒，仲有點頭；跟隨喺習近平之後嘅澳門特首賀一誠同林鄭握手後，都有同林兆波握手，片段所見林兆波無咩異樣。
到底林兆波身體抱恙抑或「被中風」？八方已向特首辦查詢，待覆。
|
鍾意就快D Share啦！
|
|
|