平安夜喜訊！現年41歲、有小飛俠外號的前新聞主播林燕玲，前年11月嫁金融才俊葉浩文後，一直表示想生BB，今日她與老公分別在FB貼文宣佈，小小小飛俠快將「面世」。
小飛俠今日在FB留言寫：「今日平安夜要同大家公佈一件開心事，我們的家有了新成員加入，2020年我們要做爸爸媽媽了，希望無論我們踏入甚麼階段，都將快樂同你們分享，祝願明年會是好的一年Merry Christmas！#小小小飛俠在肚子裏 葉浩文 Kirk Yip」其夫葉浩文則以：「各位，『小小小飛俠』嚟」短短幾個字表達興奮心情。
今日《蘋果》聯絡小飛俠，恭喜她快將榮升人母，她表示：「心情係開心同非常期待，而家先知原來懷孕係咁辛苦，體會到做媽咪唔簡單，因為第一胎，好多事要重新學習，既期待又緊張嘅，不過有信心應付到，同埋做個好媽媽。」
小飛俠又透露，現在陀B 6個月，之前都有少許懷孕不適，但現在感覺已好好多了。問到胎兒的性別，她則賣關子笑言之後會公佈。
有指她身邊不乏有生B經驗的老友，問她可有攞生B經驗？小飛俠說：「有呀！噚日先見完Snowy（蔡雪瑩），亦有問Icy（黃婉曼）同曾美華，佢哋都好好，畀咗好多tips我。」
|
鍾意就快D Share啦！
|
|
|