在《視點31》節目開始前，黃秋生遇上突發事情，自己切親手要入院縫針，同時外父過生，他說是「天意，唔好唔信。」
對於未能與何君堯在節目「交戰」，甚至廣播道上何君堯的大媽粉絲說秋生搵籍口逃避，秋生說：「驚到切自己手指，驚到叫外父快啲走。點形容呢？斬腳趾避沙蟲，我就斬手指避臘腸。人哋洋腸佢就臘腸。唉，講咩都好啦。」「無去就濕濕碎啦，我外父都走埋。隻手縫咗五針，缺一不可，四針都唔得，五針。」
在節目中，何君堯指林卓廷挑釁在先，以致白衣人四出打人，黃秋生聞言後獨家回應《壹》仔指：「林卓廷帶人入去，就可以隨便打人？應該報警呀嘛，係咪代表白衫覺得警察保護唔到佢哋？既然警察都保護唔到佢哋，不如解散警隊啦，最起碼都要解散元朗警隊啦。如果佢哋（白衣人）打人，覺得打親嗰啲都係抵死，即係無打錯啦。如果佢哋可以咁混亂之間一啲錯都無，佢哋應該成為警隊，白衣人做警隊。」
黃秋生更說何君堯歸咎林卓廷的做法，是罪犯邏輯。他解釋：「我演藝畢業之後第一份工，喺監獄入面教重犯，即係殺人起碼廿年以上嗰啲。有時同佢哋傾偈，有個犯話自己點解殺人呢，因為借咗錢畀人，但追債時對方唔還錢，仲用粗口問候媽媽，所以嬲起上嚟打死佢。當日我就學識一樣嘢，咩叫罪犯邏輯呢？呢啲就係。你唔著短裙咁夜出街我點會強姦你呢？最衰你帶人入元朗咪發生咁嘅事囉。如果個個用私刑仲使法律？佢都唔使撈啦，使咩搵律師呀？有啲咩事咪拎棍打爆佢個頭咪得囉。係咪即係咁意思？」
【壹週刊直播平台 ChannelNEXT】
全城抗暴 區區論壇同你深度剖析
立即睇
-----------------------------
【升級壹會員登記站 為你解疑難！】
親臨旺角做升級壹會員，即送「香港人：抗爭之夏」限量明信片
詳情地址
來源 source: http://nextplus.nextmedia.com
|
鍾意就快D Share啦！
|
|
|
