何君堯於7時40分到，但近8時秋生都未見人，《蘋果》致電聯絡秋生，他在電話表示：「我冇去呀，第一，外父入醫院，我煮嘢食切傷手，要去縫針，啱啱去到洗傷口，外父又話危急，我要趕去第二間醫院，而家外父走咗，我等緊縫針，要縫3針，切到好杰，手指公傷咗，手指公代表長輩，切傷時個心都離一離。」
對於不能到港台出席黃何大戰，大家好失望，秋生說：「由得佢失望，我絕望添呀！可能上天安排叫我唔好去。」
港台《視點31》的監製尤翠茵，在節目開始前現身，向在場的傳媒表示黃秋生未能到場的原因，她說︰「我係《視點31》節目嘅監製尤翠茵，非常之唔好意思，黃秋生突然同我哋講有突然事件嚟唔到，我哋會決定繼續同何君堯做訪問，我哋同事亦去咗搵黃秋生，我哋盡量希望喺現場同佢做到訪問，希望大家繼續留意我哋節目，唔該晒咁多位。」
來源 source: http://hk.entertainment.appledaily.com
|
鍾意就快D Share啦！
|
|
|
