【頭條FashionShow】新春紅噹噹新年Look明天便踏入鼠年，各位絲打諗好着咩衫去拜年未呢？「新年Look」都不外乎紅噹噹、金閃閃咁，星級Sty ...
明天便踏入鼠年，各位絲打諗好着咩衫去拜年未呢？「新年Look」都不外乎紅噹噹、金閃閃咁，星級Stylist Felix Wong指「紅黑」配搭最穩陣，可以一件紅色長褸內搭黑色樽領衫，襯裙或褲加Boots，再拎一個金色手袋仔，便充滿喜慶感！若想玩味一點，可嘗試「All Red Look」，他又提醒大家：「切忌着到紅卜卜又裸妝，甚至唔化妝，媽咪們可以搽番酒紅色唇膏，後生女可以試吓橙紅色唇膏，咁睇落就會精神啲！」撰文：黎寶倫
岑麗香：膊頭好靚，係揀啱裙嘅，但保守咗啲，既然新年可以玩多啲，不如換對紅色尖頭高踭鞋、戴番對耳環啦。
李亞男：本身條腿靚點襯都靚，整體都OK，冇着錯嘅，但嫌太穩陣，冇乜驚喜囉！
陳庭欣：本身紅白西裝Look冇事，條褲個Cutting都OK，但件褸好衣不稱身，如果改番窄身啲，入面襯金色一件頭泳衣，就有型好多。
菊梓喬：要讚條蛇紋裙，係興嘅，如果換件紅色樽領冷衫，再大膽啲解開條裙幾粒鈕，換對Thigh-High Boots露少少大腿，咁就好出位！
林嘉欣：妝髮都OK，上身都冇問題，但條褲唔長唔短咁，再襯對黑鞋就出事嘞，如果換一條白色長裙，襯白鞋或波鞋會好啲。
陳自瑤：Pretty Woman Look，但成個比例5:5咁，建議皮褸再短身啲，條裙可以改短啲，咁就可以露多少少美腿。
黎美言：好似人肉浮床，件褸起碼大咗3個碼，同埋個領太大，入面係適合着冷衫，對船踭鞋都格格不入，成件事錯晒！
馮盈盈：係十大衣着錯誤人選！上身個Ruffles袖加煙囪領仲興咩？鄉土味好濃！只可以話係穩中求勝囉。
星級Stylist Felix Wong：2016年離開紙媒行業，現為藝人丶廣告造型及舞台戲服擔任設計工作。排名不分先後老闆有陳奕迅、古天樂、Dear Jane、MIRROR及關心姸等。
