英超勁旅曼聯爆發大型病患潮，領隊蘇斯克查喺周日(5號)凌晨作客狼隊嘅足總盃前，證實球隊內部爆出病毒危機，多位球員因感染病毒唔能夠操練，蘇斯克查表示由於疫情失控，依家連邊個下以健康落場都未知，要等比賽日朝早再作決定，有可能淪落到「邊個冇事邊個上」嘅地步。
多間英國媒體報道，曼聯周五(3號)練習嗰陣，2位主力安東尼馬迪爾同連格都分別喺早上10點前先後抵達卡寧頓訓練中心，但各自逗留唔夠15分鐘就極速揸車走人，暫時唔知佢哋係「瀨咗嘢」，定係因為驚被傳染而被勒令返屋企，唯一肯定嘅係曼聯嘅備戰工作幾乎陷於癱瘓。
延伸閱讀：【林柏特病足10日 記者會甩底】
蘇斯克查透露：「我哋有幾個球員有傷...其實都唔係傷，係病咗同感冒，喺呢個季節其實都好常見，但係我依家要等比賽日朝早，睇下邊個球員覺得OK可以踢。」唔計感染病毒嘅球員，曼聯目前有麥湯米尼、保羅普巴、艾歷拜利、馬高斯盧祖同杜安薛比5位傷兵。阿根廷門將羅美路如果「免疫」，將會以正選身份上陣。
來源 source: http://hk.on.cc
|
鍾意就快D Share啦！
|
|
|