非常唔錯嘅避「炎」活動。為減低疫情進一步社區蔓延，中小學延長至3月2日先復課，作為媽咪嘅藝人呂慧儀趁住呢個時期同囝囝「蟹籽」行山避「炎」，做運動強身健 ...
為減低疫情進一步社區蔓延，中小學延長至3月2日先復課，作為媽咪嘅藝人呂慧儀趁住呢個時期同囝囝「蟹籽」行山避「炎」，做運動強身健體之餘，仲可以享受親子樂。素顏上陣嘅呂慧儀化身四眼妹，為咗舒適地呼吸新鮮空氣，兩母子均未有戴上口罩。行山期間佢哋遇上山羊，「蟹籽」興奮得通山跑，又餵山羊食葉，網友大讚「蟹籽」可愛童真，仲話呢個「親親大自然」係非常唔錯嘅放電活動，最後仲提醒呂慧儀接觸完山羊要記得洗手，平日出外要戴番個口罩呀！
