掃呢頁CODE去手機

2020年2月20日 星期四

【豪門準新抱】譚凱琪慳口罩在家整韓燒 孖實男友到尖沙嘴買食材 #譚凱琪

譚凱琪(Zoie)今年出道20年,現年38歲的她仍然一臉童顏,保養得宜。去年重頭劇《大帥哥》播出後,Zoie獲網民點讚,感情生活也受關注,她身邊早有真 ...






譚凱琪(Zoie)今年出道20年,現年38歲的她仍然一臉童顏,保養得宜。去年重頭劇《大帥哥》播出後,Zoie獲網民點讚,感情生活也受關注,她身邊早有真命天子,有位拍拖超過7年的富貴男友莊日宇(Enrico),之前有指男友求婚成功,早年更豪築愛巢,而女方早已認定男友身份,展開半同居關係,半隻腳踏入豪門。

日前譚凱琪和男友莊日宇拍拖出動,到出名買韓式食物的尖沙嘴金巴利街,排隊幫襯一家專賣韓式小食、燒肉店舖,縱使人多,但兩人亦排排企等落單。二人均戴上口罩做足防疫,Zoie身穿鮮紅色上衣,手挽一個小手袋,二人在店內討論揀食物,落單時則全程由男友安排,Zoie可以蹺埋手等外賣,而男友莊日宇十分貼心兼有風度,外賣包裝好後即自動出手拿起一大袋食物離開,左手則拎住兩支疑似消毒搓手液。

近日受武漢肺炎疫情影響,大家都減少在街上逗留,買外賣返家用餐是首選。Zoie接受傳媒查詢時回覆:「因近日疫情無必要都真係好少出街,又唔想用太多口罩,家人都要用,所以最近都多咗喺屋企煮嘢食。嗰日係買韓國小食,喺屋企整韓燒。」她叮囑大家要健康平安。

採訪、攝影:卓寶花

-----------------------------

第三屆最港電影大獎

按此立即投票

-----------------------------

《果GYM》隨身播  健身壹App過!

一按即玩

攝影:卓寶花


譚凱琪和男友莊日宇拍拖出動,到出名專售韓式食物的尖沙嘴金巴利街。


Zoie身穿鮮紅色上衣,手挽一個小手袋。


落單時全程由男友安排,Zoie可以蹺埋手等外賣。



鍾意就快D Share啦!