政府唔封關，市民要埋單。
港人受新型冠狀病毒威脅，一罩難求唔再講，仲要陷入「盲搶炎」，，連廁紙劫案都可以發生。
早前本刊發現趕到超市的陳豪，對住空空貨架一臉無奈，近日又發現張頴康兩公婆，由超市到藥房，再到連鎖店，踏破鐵鞋都只為找貨源緊拙的清潔消毒劑。張頴康的頻撲，正是近日港人生活的寫照。
早前張頴康幾經辛苦才撲到一包米同一排廁紙，之後他將「戰利品」放上ig，見他一手攬實廁紙的興奮樣，完全流露何謂「執紙之手，與妻同慶」。
早幾日張頴康兩公婆行大埔超市，除了買糧，老婆麥雅緻在超市左騰右騰，莫非又要撲廁紙？行完超市再到藥房，及健康產品連鎖店大搜索。本刊上前跟他們了解，老婆麥雅緻話:「我哋其實出嚟買餸，順便睇吓啲清潔用品，因為想買番啲清潔屋企用品，今日淨係買到洗廁所嘅用品。」
早幾日撲米成功的張頴康亦說:「老婆話要出嚟睇住個市，依家每日出街都只係想視察行情，睇吓有咩嘢用品返咗貨，就唔需要太緊張。」
有人囤積狂掃，搞到急需的市民冇法買到，麥雅緻身同感受，所以說:「今日見到啲卷裝廁所都無晒貨，仍然未返貨，好在自己存貨都足夠嘅，因為一條都足夠一家使用大半個月。其實都唔需要囤積，如果唔夠嘅話，都可以向朋友求救，我見大家都會互相幫助。」
重提之前晨早七點半排隊撲物資經歷，張頴康形容場面如喪屍出籠:「我揸住架車經過，見到後巷已經有好多人排隊，心知不妙，泊好車行過去嘅時候，原來已經有三、四十人排隊，大部分都係外傭。到八點開門嘅時候，所有人就好似喪屍咁樣衝入去。當時我可以買到兩包米，不過好多人都話唔好囤積貨品，所以最後只係買咗一包。」
家有兩個小朋友，面對疫情嚴峻，相信身為父母的他們都會擔心。
張頴康續說:「就算擔心都冇用，唯有每個人做好自己本份」
學校停課，這段日子他們為小朋友安排了甚麼健康活動抗疫兼放電？
麥雅緻:「尋日小朋友話，撐船仔時唔需要戴口罩好開心、好興奮，因為我知道小朋友戴住口罩都好辛苦，全日侷住。大女今年五歲，已經懂事，都算聽話無除低口罩，但我都知道佢好辛苦、好侷。」
疫情嚴峻，港人自強！
----------------------------
【壹週刊 武漢肺炎專頁】
緊貼防疫資訊！口罩訂購情況、確診個案、病徵潛伏期、封關國家名單、保險點賠？
與你遠離瘟疫 睇清官謊！
立即睇
-----------------------------
【壹週刊直播平台 ChannelNEXT】
專家教你自保攻略｜口罩點揀｜防疫點做
立即睇
-----------------------------
疫情追蹤，最新消息，Follow 壹週刊Telegram：
點擊追蹤
|
鍾意就快D Share啦！
|
|
|
