掃呢頁CODE去手機

2020年2月25日 星期二

洪永城:洪永城揭北韓軍官真面目 玄彬太太嗌好殘忍 #洪永城 #玄彬

點解洪永城你要咁殘忍!韓劇《愛的迫降》雖然已經大結局,但係一眾劇迷仍然活於幻想之中,好難抽身,上至少女下至師奶都叫自己做玄彬太太,因為喺入面飾演北韓軍 ...




點解洪永城你要咁殘忍!


韓劇《愛的迫降》雖然已經大結局,但係一眾劇迷仍然活於幻想之中,好難抽身,上至少女下至師奶都叫自己做玄彬太太,因為喺入面飾演北韓軍官嘅玄彬實在溫柔又體貼,最重要係好靚仔!


正當大家都係甜蜜之中,藝人洪永城竟然喺社交網揭北韓軍官真面目,恃住去過北韓嘅佢咁樣講:「毒,我就無中,不過的確開始睇咗幾集愛的迫降,我知你知北韓嘅玄彬應該係咁嘅樣,因為我接觸過。而且如果要睇南北韓邊界嘅故仔,我推薦可以睇JSA安全地帶,故事寫實、透過一件又一件細微嘅事,去描述相隔一條警戒線天與地嘅分別,而個故事仲可以做到係推理,抵佢咁好睇。#在那遙遠的地方北韓 #2015」


貼文一出,一眾玄彬太太大叫洪永城真係好殘忍,令佢哋幻想破滅,不過藝人李綺雯就最心水清,一句突破「盲腸」:「我知啦,你一定搵個最唔靚仔嘅影,然後襯出你自己靚仔呀嘛,一定係咁」而區永權就替洪永城擔心:「你好有可能,將會成為一眾玄彬太太嘅敵人」而黃翠如就都鬧埋一份:「U r super bad」。

來源 source: http://hk.on.cc
鍾意就快D Share啦!