一日未返到，一日都仲係好擔心！
藝人森美日前才剛報喜指，被困滯留在日本橫濱「鑽石公主號」郵輪上的父母，新冠肺炎檢疫結果呈陰性，更預告雙親將安排乘搭港府第2班包機返港。航班原定於昨晚（20日）起飛，惟起飛前夕宣布取消，延至今日傍晚起程返港。
就雙親仍未能逃離「毒船」一事，森美接受東網訪問時坦言有少少失望：「我最擔心係佢哋喺隻船上面，因為船上面有病原，但冇辦法，等多一日就一日，希望今日可以返到嚟，唔使再等到聽日，都冇辦法，唔到我哋控制。」
及後，森美於電台節目開始時，講及父母最新情況，並自言今次疫情令全家心情有好多起伏：「原先尋日落船，但最後落唔到，繼續坐艇，都唔知點算，後尾先睇新聞話有另一個國家落先，香港就讓路今日先落，都係嗰句啦，快啲落船，返到香港喺邊到隔離都冇所謂，希望今日可以返到香港。」又謂有不少好友都有Send用作隔離的公屋資訊給他過目，森美笑說：「睇過樓，可以上樓，令我有以前上公屋睇樓嘅感覺。」
來源 source: http://hk.on.cc
|
鍾意就快D Share啦！
|
|
|