- 【比政府更體恤民情】心善馮盈盈洗樓派口罩畀長者 網民力讚兼勸離開維穩台
- 33分鐘前
強調注重智慧與美貌的香港小姐，有幾多個有埋心善？
只有25歲的馮盈盈，2016年港姐冠軍。出道時憑住率直本性，說話開放，贏到唔少年輕網民心，今日佢更以行動實踐何謂心善。
當長者日日晨咁早排隊撲口罩，都未必撲到的時候，政府懶理，但港人自救團結同心，包括馮盈盈。日前佢同朋友夾手夾腳湊夠百個口罩，自發去舊屋邨，其中一站大坑西，逐家逐戶拍門搵長者送暖。此舉當然俾網民力讚人美心也美，有網民話收到佢派嘅五個口罩好感動，亦有網民覺得心善嘅盈盈，唔啱留喺被網民指為維穩機器嘅大台:「馮盈盈大台唔啱你，早日離巢。」，另有網民則說佢比節目拍檔陸浩懂事，至少唔會搞錯沙士源頭唔係出於香港。
馮盈盈喺網上亦分享當年沙士爆發時，佢只得九歲嘅小四學生。「不懂事，很多事都不明白，只知道媽媽突然不停叮囑我出街一定要戴口罩，勤洗手和用1:99漂白水清潔地方，街上人人都戴上口罩，看不到笑臉……17年後，人雖然仍不太懂事，但至少已長大到有能力去幫助別人，在朋友的幫忙下，湊齊了幾百個口罩，就自發去派口罩給住在舊屋邨的老人家，看見很多行動不便的老人家，應門到開門都要幾分鐘時間，更遑論去排隊買口罩，這場仗不知何時完結，但如果大家一人走多一步，互相關懷，多一份愛，多一份團結，就應該會過得容易點。」
----------------------------
【壹週刊 武漢肺炎專頁】
緊貼防疫資訊！口罩訂購情況、確診個案、病徵潛伏期、封關國家名單、保險點賠？
與你遠離瘟疫 睇清官謊！
立即睇
-----------------------------
【壹週刊直播平台 ChannelNEXT】
專家教你自保攻略｜口罩點揀｜防疫點做
立即睇
-----------------------------
疫情追蹤，最新消息，Follow 壹週刊Telegram：
點擊追蹤
來源 source: http://nextplus.nextmedia.com
|
鍾意就快D Share啦！
|
|
|
