掃呢頁CODE去手機

2020年3月21日 星期六

收起34E導彈!「浸大E神」做瑜伽環保女神 #EASON #E神 #女神

仲記唔記得佢?年前曾經掀起一陣𡃁模熱,個個都出寫真,當中曾紅極一時嘅楊梓瑤(Carol)去咗邊呢?唔知係邊個?「浸大E神」知喇啩?現年31歲嘅佢已改名 ...




仲記唔記得佢?


年前曾經掀起一陣𡃁模熱,個個都出寫真,當中曾紅極一時嘅楊梓瑤(Carol)去咗邊呢?唔知係邊個?「浸大E神」知喇啩?


現年31歲嘅佢已改名做楊焉,本來係私影模特兒,2009年參加《美女廚房》第二輯嘅「美少女廚神」環節,因為性感打扮而引起關注,因此更順勢踩入娛圈!


2010年,Carol喺書展推出寫真,性感尺度令人嘩然,更曾被不少知名人士抨擊。而幕前演出,最令人深刻一定係同羅仲謙喺電影《婚前試愛》中嘅激烈床戲!不過喺2014年,佢與當時經理人公司解約並退出娛圈,之後何去何從?


離開幕前嘅佢原來已經「從娘」成為瑜伽導師,仲開埋自己嘅Studio!舊時人前拋胸嘅佢,收起34E導彈,社交網清一色都「好健康」,成個人脫胎換骨咁,沒有濃妝艷抹,變得非常清秀同有氣質!着起瑜伽服大騷纖腰同Fit爆身材,豐滿上圍亦難遮掩!


唔只好健康,佢仲好環保,出街食飯自備餐具,唔用即棄餐具,連儀態都唔顧,用自備匙羹同筷子食egg benedict ,雖然可能被「歧視」,但佢唔理旁人奇異目光,佢話:「比起海龜們以及海洋生態同人類嘅未來,我會繼續我行我素!」



來源 source: http://hk.on.cc
鍾意就快D Share啦!