掃呢頁CODE去手機

2020年3月31日 星期二

鍾欣潼:自我隔離寂寞難耐 阿嬌豪花4萬冧小鮮肉 #鍾欣潼 #阿嬌

喂,今次真係估你唔到!藝人鍾欣潼(阿嬌)2018年同老公賴弘國結婚,上星期先被爆料指二人求B心切,惜因工作及疫情關係分隔兩地兼播種計劃急嗌停,本身喺馬 ...




喂,今次真係估你唔到!


藝人鍾欣潼(阿嬌)2018年同老公賴弘國結婚,上星期先被爆料指二人求B心切,惜因工作及疫情關係分隔兩地兼播種計劃急嗌停,本身喺馬來西亞工作嘅阿嬌又趕返港,仲喺自我隔離期嘅佢寂寞難耐,今日凌晨更被發現出面貼錢冧大陸小鮮肉!


今日凌晨2點,有網友喺某平台一名鮮肉男主播余衍隆嘅直播間內「見到」阿嬌,阿嬌喺成場直播中自後共豪擲近兩萬蚊人民幣,連刷多份虛擬「禮物」,之後更有網友爆料稱,阿嬌原來暗地裏為該主播已打賞咗4萬蚊人民幣,而且佢仲有直播間管理員嘅認證,即係阿嬌真係鮮肉男主播嘅粉絲!


點解咁肯定?因為Nice到爆嘅阿嬌唔止睇直播咁簡單,佢仲半騎劫余衍隆個直播,不斷同其他網友Chit Chat,佢仲自爆自己係前一日見到對方幾靚仔先嚟睇佢直播,即係「識人」兩日阿嬌就已經課金4萬人民幣,呢啲「一見鐘情」嘅嘢真係擋都擋唔住!不過…有網友突破盲點,𢱑晒頭問阿嬌,到底老公賴弘國知唔知佢網上科水追主播呢?



來源 source: http://hk.on.cc
鍾意就快D Share啦!