大家記唔記得佢？
無綫劇《愛．回家之開心速遞》尋晚一集送水輝（許家傑飾）同因為非洲鼓葉伯，搞到大小姐（林淑敏飾）嬲豬，佢仲鬧爆葉伯係廢柴，但送水輝仍然力撐葉伯，最後葉伯嘅表演幫「好爸Bar」吸咗唔少客！
非洲鼓葉伯來頭唔少，現實中嘅佢原名伍健忠，外號鬼塚，年輕時拍過唔少電影，第一部演出作品就係畀胡楓睇中，搵佢拍《打藤》，之後加加埋埋拍咗五十幾套電影。點解會入無綫？佢話退咗休想打發時間！計埋今次演非洲鼓葉伯，鬼塚已經先後喺《愛．回家之開心速遞》出現，五次都唔角色，唔知非洲鼓葉伯呢個角色會唔會Keep住呢？
鬼塚除咗係演員外，佢仲係時裝設計師，絕對係型佬一名，佢仲為香港引入唔少日牌。仲有指佢其實好有米，有人話過佢揸「波子」返電視城，仲要畀人抄牌，全日嘅人工都冇埋，不過佢一於少理，話返工啲油錢都唔止！
來源 source: http://hk.on.cc
|
鍾意就快D Share啦！
|
|
|
