掃呢頁CODE去手機

2020年3月28日 星期六

袁詠儀冒險北上補戲 驚集中隔離 #袁詠儀

張智霖與袁詠儀發現記者,即揮手打招呼。
袁詠儀冒險北上補戲驚集中隔離新冠肺炎肆虐下,全球演藝事業幾乎停頓!影后袁詠儀(靚靚)原本今日捱義氣冒險北上為農曆新年前開鏡的新片埋尾,但臨行前卻聽聞近 ...




袁詠儀冒險北上補戲 驚集中隔離

新冠肺炎肆虐下,全球演藝事業幾乎停頓!影后袁詠儀(靚靚)原本今日捱義氣冒險北上為農曆新年前開鏡的新片埋尾,但臨行前卻聽聞近日內地收緊隔離政策,同一航班的旅客抵埗後或需「集中隔離」,家有老嫩的靚靚為此卻步,極力跟製作組拉鋸。

靚靚農曆新年前拍攝一套內地電影,放完年假後,因疫情打亂陣腳,劇組停工多時,近日終計劃在上海復拍,希望盡快完工。雖然現時內地疫情稍為放緩,但仍是高危地方,靚靚不想新片爛尾,為了大局着想,終答允冒險北上,希望順利完工皆大歡喜。

建議劇組易角

已訂了機票的她準備今日起行,問到北上有甚麼特別準備?她說:「我有心理準備作家居隔離14日,租咗當地一間服務式住宅,計劃隔離完後即入劇組。」不過有指內地收緊政策,同一航班的旅客抵埗後,將齊齊被送往同一酒店隔離,倘若屬實,「中招」風險增加不少!家中有大有細的靚靚非常憂慮,故昨日不停與劇組溝通,但消息頗為混亂,未有最終回覆,她有可能「甩底」,或建議劇組易角。

兩公婆買防疫眼罩,非常重視保護雙眼。
  • 兩公婆買防疫眼罩,非常重視保護雙眼。
二人進食時才敢除口罩。

  • 二人進食時才敢除口罩。

至於其老公張智霖(Chilam)非常尊重靚靚的決定,北上與否交由老婆話事,他說:「咁大個人,做好防疫措施,洗手、洗手又洗手,就好安全,我會日日同佢保持聯絡。」他更以行動支持老婆,昨日陪對方買防疫物資,以防靚靚「突然起行」。

醫肚後消毒雙手

昨午三時許,兩公婆撇下兒子,齊齊戴口罩現身中環二人世界,於該處商場閒逛一會,之後到附近餐廳醫肚,狀甚肚餓的Chilam甫見食物上枱,即除低口罩大擦一輪,食飽後,二人即戴回口罩,靚靚前往洗手間,返回座位即不停以消毒液清潔雙手,還為頭髮及衣服消毒,做足防疫工夫才埋單離開。之後他們去選購眼鏡,再驅車往跑馬地一所保健用品店,「主攻」防疫眼罩。期間店員要求合照,二人爽快答允,非常親民。覓得心頭好後,二人付款離開,以免「群眾聚集」。

另外,Chilam與靚靚早前低調行善,據知,二人捐出6位數予慈善機構,買物資幫助有需要人士,受惠的小朋友回贈畫作答謝。




鍾意就快D Share啦!