2020年3月5日星期四

【一家三口】沙灘開工囝囝亂入　呂慧儀張景淳「放閃」被催婚 #呂慧儀 #張景淳

【一家三口】沙灘開工囝囝亂入　呂慧儀張景淳「放閃」被催婚

呂慧儀去年3月宣佈與前夫黃文迪離婚，及後傳跟處境劇《愛．回家之開心速遞》的拍檔張景淳戲假情真，更被拍得手拖手睇戲，兼同車返回呂慧儀寓所。事件曝光後，雖然女方當時堅稱是「單純同事朋友」關係，但近來兩人頻頻於社交網晒甜蜜合照「放閃」，不少網友都認為二人戀情地上化。

而昨晚，張景淳又於Instagram（Ig）貼出相和片，分享拍攝《愛．回家》昨晚一集的片尾彩蛋戲，內容指「龔燁」張景淳在沙灘砌心型蠟燭，向「熊若水」呂慧儀驚喜求婚，然而現實中，兩人的Sweet爆互動更令網民大嗌「閃盲」，事關於一段自拍片中，呂慧儀兒子「蟹籽」竟然亂入，原來她當晚仲帶埋囝囝去開工，片中，呂慧儀與張景淳面向大海並肩而坐，囝囝就在旁邊玩沙，其間蟹籽大叫：「媽咪幾靚？」張景淳即Close up拍吓伊人靚樣，場面溫馨。一眾網民睇見紛紛留言：「一家三口，無違和的畫面」、「小老闆來探班更加Suprise and sweet呀」、「根本現實中也是一齊吧」等，更有人要求：「可唔可以叫佢哋快啲做真情侶，太襯喇」、「快啲去結婚啦」！