Ming仔，相信大家都知佢乜水。未必因為睇過佢啲片，但相信聽佢講過「警察都係打份工」、「犯法就要拉」、「兩邊武力開始對等」嘅偉論，加上捐十萬零一蚊畀星火好似做帛金咁，觸怒大批支持反修例運動嘅市民，齊齊鬧爆Ming仔，以致佢YouTube及Facebook嘅訂閱量、粉絲人數大幅下跌，以十萬計，蝕入肉！
隨住時間以及武漢肺炎打擾，網民對Ming仔嘅關注靜咗一排。直到近日，佢為TVB拍攝嘅英國旅遊節目《一個人去旅行》播出，不僅再被杯葛呼籲罷睇，更成為「當紅炸子雞」，網上充斥住「問候」佢嘅留言：「舐共偽人」、「去咩英國啊，去大灣區啦」、「用微博啦，學咩人用IG」、「中國有批准你用英文嗎」等等，更厲害的都有，全家都走唔甩！
當然，亦有觀眾係認真點評佢嘅節目表現，有話好睇，有話好悶差過洪永城，《壹》仔都睇咗首集「曼徹斯特」，坦白講，既然標榜「深度遊」，就唔係去下博物館、讀下基本資料畀觀眾聽就夠。或者TVB所託非人，去得英國仲要深度遊，梗係陶傑講吓相關嘅大英帝國史，順便借古諷今抽下中國、香港水，個層次即刻唔同晒。不過，兩者邊有得比，而且陶傑肯，大台都唔敢啦。
----------------------------
【壹週刊 武漢肺炎專頁】
緊貼防疫資訊！口罩訂購情況、確診個案、病徵潛伏期、封關國家名單、保險點賠？
與你遠離瘟疫 睇清官謊！
立即睇
-----------------------------
【壹週刊直播平台 ChannelNEXT】
專家教你自保攻略｜口罩點揀｜防疫點做
立即睇
-----------------------------
疫情追蹤，最新消息，Follow 壹週刊Telegram：
點擊追蹤
來源 source: http://nextplus.nextmedia.com
|
鍾意就快D Share啦！
|
|
|
