月底踏入41歲的陸浩明，近年拍住馮盈盈、麥明詩合作的吹水節目《後生仔傾吓偈》大受歡迎，人氣急升，在節目中表現出腦筋急轉彎的他，雖然早前口快快講錯說話，不過勇於承擔的他，即時向大家道歉，並獲原諒。其實，6號又點至具有「知錯能改」的優點，他更被網民封為超級暖男。
跟女友陳詩欣(Ayan)拍拖9年，6號過去兩年，經常將婚事掛口邊，不過擺明想結婚的他表示要有樓揸手，才會結婚娶老婆。
事實，前年他在日本大阪已經以80萬港幣買了一個獨立屋作投資，不過自認傳統的他，認為要在香港有物業，才應該娶老婆。據知，今年本有計劃結婚的他，也因疫情被打亂陣腳。
「呢個疫情，搞到好多人啲job，唔係取消就延期，外邊工作量大減，收入少咗好多，6號話自己人生大計都亂埋，唔好講拉埋天窗，本來6號都會間唔中睇吓樓，好想啱價就入巿，今年好難儲錢，更加唔好講買樓。」身邊人說。
雖然未有婚期，不過6號同拍拖9年女友Ayan陳詩欣甜密度不減，日前兩人孖住行零食店和超巿，除揀食物要暫時分開外，全程都變連體嬰，拖實對方冇放手。事實，6號為氹女友開心，近兩年每逢Ayan生日，兩人便會到歐洲旅行，18年去希臘，去年則到葡萄牙，就算今年新年，兩人也到莫斯科慶祝。孝順的他，每年又會孖女友帶父母到外地一家四口旅行，安排週到體貼。
這段「等結婚」日子，6號依然細心照顧好女友，原來早前Ayan想上十多萬的藍帶廚藝課程，他第一時間表示支持，不過疫情令世界完全停擺，所以他趁假期，便和女友留在家一起睇網上片段學廚藝，事關女友有計劃開甜品店，這個超級暖男，無論甚麼時候都全方位支持。
APP 內 1-Click 訂閱
按此了解更多
-----------------------------
【昔日紙本檔案庫】
30年壹仔經典 壹壹重現！
來源 source: http://nextplus.nextmedia.com
|
鍾意就快D Share啦！
|
|
|
