呢啲可能叫青出於藍！
藝人楊明、張振朗、蔡思貝、鄧佩儀、何依婷和吳家樂等，下午現身電視城為劇集《機場特警》宣傳，一眾演員即場做運動展體能。劇中扮演好兄弟的楊明和張振朗搞還當着記者面前「胸襲」對方，張振朗說：「我B（級）佢就C（級）。好多網民講話有張振朗，就搞到好似HeHe情咁。」談到日前一場幫張振朗捽背戲，楊明笑說：「佢背肌好勁，搞到我手指唔夠力，要改用手踭去按！」
原來每集開場短片，扮演「童年」的小朋友，正是張振朗真正姪仔。談到榮升「星叔」，他謂：「好多網民都發現咗，我覺得佢同我似樣，況且想畀佢見吓世面。（佢好好戲喎。）如果跟佢學，我就唔會演得咁衰啦。（佢有片酬？）有，我冇收佢（錢），佢父母有冇我就唔知！」
至於楊明於戲中與何依婷的捽大髀戲，女友莊思明並未有打爛醋埕。日前二人在家慶祝拍拖4周年，楊明表示：「由於疫情關係，所以叫外賣。嗰日係我哋第1次拍片，有待改進。」
來源 source: http://hk.on.cc
|
鍾意就快D Share啦！
|
|
|
