背中文劇本都唔係容易，更何況英文，睇嚟黃宗澤今次落唔少心機！
無綫新劇《飛虎之雷霆極戰》除咗爆破場面夠震撼，cast陣容亦非常鼎盛，黃宗澤、吳卓羲、苗僑偉、馬國明等藝人演參，一眾型男齊齊鬥戲，當中黃宗澤大晒英文嘅演出更成為網民焦點，劇情講到為說服外籍特工棄暗投明，以兩分鐘全英語對答，並刻意強調「T」及「D」字尾音，咬字相當清晰。
其實仲有唔少藝人喜愛晒冷英文，好似藝人陳偉霆去年喺品牌廣告片中大晒英文，「What time is it？」夠晒經典，仲話自17歲參加歌唱比賽後就夢想成為藝人，轉戰內地多年嘅佢英文未有退步，廣告片一出更有極大回響，引起網民熱話！
歌神陳奕迅（Eason）2017年於ViuTV《短暫的婚姻》中亦大晒流利英文，中學已到英國升學嘅佢講得一口動人英國腔，唔少網友大讚Eason唔止唱歌好聽，講英文仲好聽，更形容為一種享受，正宗「耳朵懷孕」！
來源 source: http://hk.on.cc
|
鍾意就快D Share啦！
|
|
|
